ACTIONES LEGAL CONTRA LE GOVERNATOR DE TOKYO PRO INSULTAR LE LINGUA FRANCESE
le 13 de julio 2005 Novas in le Web
TOKYO - Un gruppo de inseniantes e traductores in Japan a mercuridi
ha facite un action que demanda que le Governator de Tokyo, Gov.
Shintaro Ishihara paga un total de 10.5 million yen ($94,000)
compensation pro insultar le lingua francese in remarcas le octobre
passate, le radiodiffusion NHK ha dicite. Ille ha dicite, on allega, que
'le francese es un lingua international fallite', un reporto de novas
ha dicite.
Vinti-un gentes ha facite lor action al Corte del Districto de Tokyo.
In lor action le demandatores ha accusate Ishihara de dicer que
"Le francese es un lingua international fallite proque illo non pote esser
usate pro contar numeros."
"Il es natural pro distincte linguas haber distincte nomines pro numeros
e differente manieras de contar los, assi il es non acceptabile pro
ille a insultar le francese in iste maniera," diceva Malik Berkane, qui
es chef de un schola de francese in Tokyo, parlante a un conferentia
del pressa.
Le governamento metropolitan de Tokyo ha refusate a facer commento,
dicente que illo non ha recipite le action.
Le francese es le lingua official in circa tres dozenas de paises e
territorios globalmente, e es un del linguas official pro organizationes
international como le Nationes Unite. In francese alcun numeros pote
esser non maneabile, tal como 90, que traduce como 'quatre-vingt-dix'
o 'quatro vinti e dece.'
Le systema japonese equalmente es complexe. Prendite del chinese,
le systema japonese ignora le systema occidental de classificar
grande numeros a cata tres digitos. Ben que un mille es le mesme,
30.000 es traducite como 'tres dece-milles,' 4 million esserea
'400-10,000' e 4 billion esserea '40-100 million'
Ishihara, un del politicos le plus popular in Japon es cognoscite pro
su directe maniera de parlar, critica de immigrantes illegal, e
refuso de facer excusas pro le atrocitates in Asia in le Guerra
Mundial II. Su remarcas frequentemente ira le residentes chinese
e korean in Japon.
Stan Mulaik
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
