Le sequente es traducite de alcun articulos in Euro MP postate a
talk.politics.european-union per Tony Robinson, socialista:

Kohl Es Facie a Facie Con un Decision Crucial
Le Displaciamento Seismic del Derecta

Un decision crucial iste sequente septimana poterea conducer le
Democratos Christian europee a mover se abruptemente al derecta in
le spectro politic con consequentias major pro decisiones in le
Parlamento Europee.

Le Cancellero german Helmut Kohl e altere leaders del Partita de
Populos Europee va decider si o non a allinear se con le politicos
Thatcherista de Forza Europa, con Silvio Berlusconi a su capite.

Le leader del Gruppo Socialista del Parlamento Europee, Pauline Green,
hodie advertiva del risco de un displaciamento seismic in le mappa
politic de Europa.

'Durante que il naturalmente ha differentias politic inter le Socialistas
e le EPP que es profunde e radical, il ha habite accordo durante dece
annos con respecto al propositiones central de un integration europee
disveloppante.'

'Ille accordo sin question essera a risco si le EPP     move su base
traditionalmente Democratic Christian al imbraciamento de politicas
neoliberal del mercato libere motivate per le euroscepticismo.'

Sra. Green addeva: 'Le duo familias major politic in Europa, le
Socialistas e le Democratos Christian habeva essite le fortia impulsante
del disveloppamento europee. Iste alliantia super le central questiones
super le direction del Union Europee es ora a risco.'

Sra. Green assereva que evidentia del session iste septimana in Brussel del
Parlamento Europee demonstrava le nove allineamento politic al directa.

Illa diceva: 'Al session in Brussel del PE iste septimana, le Democratos
Christian se jungeva Conservativos e Liberales in votar contra un
pacchetto de mesuras pro meliorar le vita de cititanos ordinari trans
le Union Europee.

'Illes rejiceva appellos al Summito in Cardiff in le mense sequente pro
le creation de empleos al nivello europee, plus grande coordination
economic al nivello europee, opportunitates equal e plus grande protection
ambiental, e le impulso in avante del reformas necesse pro le allargamento
del Union Europee.'

Sra. Green animadverteva: 'Illes in le EPP qui ancora se tene a un Europa
basate super le consenso, le pace e le justitia social debe facer lor voces
audite in le EPP e debe cercar le cooperation con le gruppos progressive in le
Parlamento Europee.'

BOTILLIAS DE WHISKEY

Ministeros del UE es exhortate a adoptar un codice de conducta super
donos que on les offere.

Le solicitation veni post le ministeros del Consilio de Transporto esseva
presentate con donos de botillias de whiskey irlandese.

Europarlamentario (Labor) Richard Corbett assereva que le donos libere
esseva 'un essayo a persuader le Consilio a reversar le decision a
eliminar gradualmente le venditas exempte de doanas intra le Union.

Ora ille appella a un motion europarlamentari que le ministeros dona le
equivalente del valor del dono--botillias de dece-duo annos de whiskey
irlandese a un caritate proprie.

Diceva Sr. Corbett, vice-presidente del Committee europarlamentari de tote
partitas de affaires institutional:  'In le Parlamento Europee nos ha
adoptate un codice de conducto stricte con respecto al acceptantia de donos.
Le Consilio ha necun codice equivalente.  Le hora ha venite que il ha
un tal codice.'

'Le Parlamento e le Consilio junctemente exerce le poter legislative e
budgetari in le UE.  Solmente le Parlamento ha ponite su casa in ordine.'

Donos al ministeros es currentemente regulate solmente ubi il ha directivas
national.  Venditas exempte de doanas va terminar se in 1999.

MOTOCYCLIANTE A UN VISTA

Motocyclistas europarlamentarios Roger Barton e Bernd Lange va guidar
200 motocyclistas in un viage de 45 km in alto de un montania durante
le session de junio del Parlamento Europee in Strasbourg.

Lor objecto es a collectionar adherentes del villages per le qual illes
passa como illes va in le Vosges.

Sr. Barton (UK) e Sr. Lange (D) spera que le evenimento va levar le
profilo del interesses de motocyclistas in le decisiones del UE.  Sr.
Barton esseva responsabile pro uno del prime usos succedite del
Europarlamento in le poter del codecision in legislation quando ille
contrariava movimento a introducer un interdiction transeuropee de
grande motocyclos.

Le motocyclistas va congregar se a 1900 horas al jovedi del session
de junio al entrata primari al Palatio de Europa. Le viage essera
sequite per un partita de motocyclistas.

BICYCLISTA BLAK

Europarlamentario danese Freddy Blak va publicar un libro super gentes
famose e lor bicyclos--pro levar le moneta pro recerca de cancere,
domos pro infantes malade e altere caritates.

Le libro, "Io E Mi Bicyclo", essera publicate in le autumno e va
collectionar le memorias infantil que personalitates famose,
includente membros socialista de governamento, ha de lor bicyclos.

PROTESTO DE COSTOS DEL INTERRETE

Alte costos pro connectiones al interrete in Europa essera le foco de un
conferentia de duo dies al Europarlamento iste septimana sequente.

Le Providitores de Servicios del Interrete europee e firmas de
telecommunicationes va debattar le problema con politicos e officiales
del Commission.

Fontes in industria dice que le PSIs europee paga 20 vices plus pro
largor de banda intra citate que lor contrapartes american, e que il
es minus car a connecter se de London a Nove York que a Paris.

Central participantes in le discussiones va presentar un conferentia
de pressa a 1100 h a 4 junio in le Camera de Pressa del UE.




Traducite per Stan Mulaik