Car Mario,

Ecce le instructiones plus detaliate re le CWordPad que vos habeva
sollicitate. Il essera un grande placer pro me si vos publicar los in
vostre pagina insimul le archivo Interlng.zip que io ja vos habeva
inviate. Vos es anque libere pro facer le adaptationes que vos trovar
necesse. Io sol vole contribuer pro nostre movimento.

Amicalmente,

Ivan Mourão, ab Brasil.


Instructiones pro Obtener e Preparar le Editor CWordPad pro Facer
Correctiones Orthographic in Interlingua.

1 - Discarga le archivo cwordpad.zip del sito http://www.cetussoft.com.
Il es gratis (freeware).

2 - Clicca duo vices in le archivo cwordpad.zip. Le tela del WinZip
apparera e vos debera seliger le option Instal pro installar le CWordPad
in vostre computator. Illo opera sub Windows95, 98 o NT.

3 - Prende le archivo Interlng.zip que, post "diszippate" genera le
Interlng.tlx.

4 - Copia le archivo Interlng.tlx al portafolio Windows\System.

5 - Executa le CWordPad.

6 - In le menu clicca in Spelling e postea clicca in Dictionaries....

7 - Clicca in le button Add File e selige le archivo Interlng.tlx del
lista de archivos exhibite. Attende con patientia proque le operation
demora.

8 - Cliccante in le button Remove File remove tote le alteres archivos
.tlx.

9 - Clicca Close.

10 - Pronto. Vos ja pote usar le CWordPad que illo corrigera vostre
textos in interlingua permittente que vos actualise su lista de parolas.