Ignacio Martinez Recari escreveu:

> Le lingua del iberos (como on dice "iberos" in Interlingua, Ensjo?)

Justo "iberos". :-)

> es anque
> un mysterio. Illes viveva in le Hispania mediterranee preroman e habeva un
> cultura bastante disveloppate. Lor lingua pote esser legite, ma il non es
> possibile comprender lo. Pro facer lo, alicun "linguistas" (ha ha!) ha usate
> le basco, pensante que ambes son simile. Ma illes ha usate le basco
> hodierne!! Vos deberea leger le traductiones pro rider e rider e rider...
> Il es multo possibile que le lingua del iberos influentiava le basco, ma...
>
> Ignacio Martínez Recari.

Hm... alora le basco es un lingua indigene del region iberic que superviveva al
imperio roman e esseva influentiate per le linguas neolatin, correcte?

De facto, es un lingua toto differente del linguas neolatin, como on nota per le
exemplo que tu da del par jaKIn/daKI.

Usar "x" pro le sono "sh" es un cosa que existe tamben in portugese e catalano.
Quando io visitava Europa le anno passate, io entrava in Espania ab Portugal e
videva annuncios de un banco espaniol: "LA CAIXA". Io trovava illo tanto
estranie!!!! Io videva un articulo espaniol (castilian) "LA", insimul con un
parola portugese "CAIXA" (cassa). Io pensava "perque illes faceva ille mixtura?"
Solo quando io visitava Barcelona e discoperiva le lingua catalan, io
comprendeva que illo era ni espaniol ni portugese. :-)

Ignacio, esque il ha material basic pro Interlingua in basco? Tu poterea
preparar un tal material? (Per exemplo, le breve grammatica de Interlingua con
breve vocabulario, etc.)
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]

INTERLINGUA - lingua auxiliar international
    Info : http://www.interlingua.com
 Grammar : http://www.nautilus.com.br/~ensjo/interlingua/english.html