Secundo le articulo de Ensjo:
>Grande Britannia e Danmark, suspiciose, se ha refusate a adoptar le euro
>ja. Grecia e Svedia ha essite reprobate in le regulas, que es le sequente:
>deficit public minor que 3% del PNB; debita minor que 60% del PNB;
>inflation de usque 2,7%; interesses de usque 7,8%. Le quatro paises
>adherera plus tarde.

In le publico le attitude al euro ha essite multo negative in Svedia. Le
partito governamental Socialdemocrates es fractionate in le question. Il ha
un forte opposition a tote collaboration con le Union Europee; le partito
Leve (sinistra si vos vole esser collateral- le anciann partito communista)
e le Partito del ambiente - Le Verdes le quales sin haber officios in le
governamento supporta le politica in le parlamento post negotiationes con
le socialdemocrates sub le direction del premioer Göran Persson, es ambes
contra le Union Europee, e aspira, malgrado le referendum in favor del
membrato in le Union, a retraher Svedia qua membro del Union Europee.

Secundo le medios hic in Svedia le decision de Svedia non acceder le EMU
(le Union Monetari de Europa) faceva necesse un rationamento de iste
abstention de Svedia sin rationes politic, e pro isto on lanceava un
construction secundo le qual svedia non sia apte al membrato.

Le facto es, ancora supportante se sur le medios - ante toto le radio
national, que Svedia ha mesmo deflation. Le precios se bassa.

Le 2 de januario in le matino le prime curso del Euro que io audiva era de
9,53 coronas svedese = 1 euro. Solo 3 horas postea le curso era 9,46, e
ante alcun septimana le curso era 9,18. Le ultime notation que io audiva
placiava le euro sub le valor de 9 coronas.

Ante 30 minutas le curso era 8,96 coronas svedese pro un euro.


[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden