Allan,
  Io solmente citava Dr. Gode super le subjectivitate de judicamentos
de beltate a informar vos de su position.  Io equalmente citava
lo que io opina es vostre opinion e le ration possible que vos lo ha.

  Il ha illes qui argue que lo que es belle es le medie de cosas.  Si
on superimpose photographos de individuos le un super le altere, e
lo face con multe photographos, on pote extraher un photographo del
"homine medie".  E le homine medie es multo belle.

  On dice que pro europeos le feminas belle de china non es le
feminas belle secundo le chinese, e vice versa.  Le normas de beltate
es basate super le medie de nostre experientia.  E esperanto devia
multo del medie de nostre experientia, nonne?

Stan Mulaik