Il es un par de maritos in Uppland nord qui ha invitate multe infantes de
Byelorussia (que era plus fortemente battite per le radiation malgrado le
facto que Tchernobyl es situate al latere Ukrainian del frontiera. Io
videva multe de ille infantes quando illes faceva un concerto in le centro
de Uppsala alcun anno antea.

Ante alcun menses era un scriptora byelorusse visitante Svedia pro promover
un libro in re le superviventes del catastrofe. Io suppone que su nomine es
Alina (o Galina) Aleksiyevitch. Su libro contineva intervistas con sposos e
sposas del victimas e altere parentela de illos.

Le radio inviava alcun excerptiones del libro. Illo toto es multo emovente,
etsi le narration es un excellente exemplo de como un occurentia es
organisate in un certe persona. Illa scribeva un simile libro de que on
etiam legeva excertos ante alcun menses e le narrativo era del mesme typo.

Al mesme tempore on debe recordar se que iste scriptora es multo coragiose,
viste que le situation in Byelorussia es como illo es.

Il ha un balnio in le parte del Urbe ubi habita mi matre, e al via a su
habitato io passa iste balnio. Ibi il ha piscinas de natation, un si
nominate "banio de aventura con ductos aquatic como le ductos del bob in le
jocos olympic (le bob essente ille vehiculo sur le qual on sede e viagia de
supra a basso sur un ducto glaciate specialmente preparate a fin que le
boberos pote attinger velocitates remarcabile plus que 100 km/h io crede).
Alora in ille baanios de aventura le medio es aqua e le velocitates non es
tan remarcabile. Illo es como un glande glissorio pro infantes on pote
dicer. Tamen il era un accidente con un infante alcun menses antea. Il era
un infante de 9 annos qui era ducite per le aqua in le ducto a basso e al
fin, quando illa cadeva al piscina illa era submergite in le aqua e - pro
alcun causa - non poteva ir in alto al surfacie del aqua e on la trovava
sur le fundo del piscina.

Iste banio que porta le nomine fer de Fyrishof (f = v vetere orthographia -
Fyris es le nomine del "fluvio" que curre per Uppsala, e hov (f) significa
_corte (de un rege pro exemplo) o grande corte in general. Il es un
relativemente grande arrangiamento e le piscina ha mensuras necessari pro
conpetitiones sportive international.

On vide multe autobuses de Finlandia e Russia ante le banio.

Personalmente io me recorda le tempore de mi infantia quando ille banio era
un poco de arena sur le ripa del Fyris e le aqua era multo immunde
(non-pur) diceva le adultos, ma isto non del toto impediva le infantes. On
debeva pagar alcun öre (non euros :-) pro intrar e il habeva un
installation sonar ubi on sonava vetere discos con le famose acrice Sara
Leander qui cantava Blauer Himmel in germano..... E le homines sideva sur
le herba inter le submersiones in le aqua bibente cafe ex termobotillas o
succo, e il era incredibile 27 grados de calor!

(On deveni vetere, on recorda le infantia... es tempore finir....)

Amicalmente

Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden