Un de mi visinos in un altere loco ubi io habitava era un femina de Sri
Lanka. Illa me narrava como su ava, qui era un femina multo religiose,
Buddhista, faceva un promenada circum le campos de ris cata matino pro
COLLIGER le serpentes venenose in un sacco pro poner los in un altere loco
ubi illos non es nocente! Le argumentation naturalmente essente que le
serpentes es viventes con un anima e pro isto non pote esser occidite.

Un altere lanchese io me recorda, qui prendeva le vespas in le mano e
jectava los per le fenestra. Isto era durante mi tempore studentil quando
io veveva in un casa studentil (19 cameras e un cocina commun).  Tunc le
historia occurreva.

Io qui in instante habeva un vespa promenante inter mi ocularios (berillos
secundo Gode) e mi oculo era un poco irritate e voleva - io concede sin
justification - occider le vespa in le cocina. Nostre amico lanchese me
multo severemente recordava del facto que iste vespa es un esser vivente,
prendeva lo per le manos e - ject! - per le fenestra.

Io debe confessar que mi attitude al vespas es incorrecte. De facto le
vespa habeva comportate se multo ben, ille vice multe annos retro, non
piccante mi oculo. Pro isto io deberea demonstrar plus de tolerantia al
familia del vespas.


Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden