Bravo Lars !
   
  Super interessante articulo qual es tu fonte ? 
   
  "Illo monstra que dextra de un grande projecto, il habe un grande fortuna ;) "
   
   

Lars Rosenmeier <[log in to unmask]> wrote:
  Secundo le medios de communication danese, le organisation ante hora 
incognoscite ’Esperantisatas Politic’ es detra un grande tentativa pro facer 
esperanto un lingua official in Danmark. In le ultime sex annos, le 
organisation ha expendite plure milliones de coronas pro labor politic e 
lobbyismo, e ora le grande labor pare dar resultatos. Secundo plure fontes 
politic, le governamento danese revelara in maio su si-nominate ’Plano de 
Esperanto’. Como le prime etape del plano, le ministro pro education es 
expectate a proponer un lege facente esperanto un materia obligatori in le 
scholas danese, desde 2009. Simultaneemente, gratuite inseniamento de 
esperanto essera offerite a omne daneses adulte.

Le sequente etape del plano es expectate a commenciar in 2020, ubi esperanto 
essera introducite como lingua official de Danmark, parallelmente con 
danese.

”Nos vive in un societate multi-cultural, ma omne experientias monstra, que 
le grande difficultate del lingua danese constitue un grande obstaculo pro 
integration e inter-comprehension del varie culturas. Con esperanto como 
lingua official, omne estranieros potera communincar fluentemente con 
daneses post pauc menses. Isto portera con se un longe seria de avantages 
economic, e potera anque restaurar le reputation danese como un societate 
tolerante e progressive”, dice en fonte anonyme proxime al prime ministro a 
plure medios.

Plure expertos politic expecta, que le lanceamento del plano, ducera a un 
debatto public impetuose, e ab plure lateres, on exige un investigation pro 
determinar, si leges de corruption ha essite violate. ’Esperantistas 
Politic’ es credite haber donate plure centos milliones coronas al partitas 
de governamento danese, pro lor campanias de election.

Secundo plure fontes, le homine detra ”Esperantistas Politic” es le 
excentric billionario american ’Lirpa Ed Ecsip’.

_________________________________________________________________
Find dine dokumenter lettere med MSN Toolbar med Windows-pc-søgning - hent 
den gratis her: http://toolbar.msn.dk

--
Pro disabonar te: http://listserv.icors.org/archives/INTERLNG.html


		
---------------------------------
Yahoo! Messenger with Voice. Make PC-to-Phone Calls to the US (and 30+ countries) for 2¢/min or less.

--
Pro disabonar te: http://listserv.icors.org/archives/INTERLNG.html