Mi fratre Arley me ha inviate iste message, que io traduce e transmitte a
vos pro vostre divertimento. ;^)
_________________
HIGH TECH! ALTE TECHNOLOGIA! ISTE ES LE CAMMINO.
In le occasion del cambio del millennio, se annuncia un
revolutionari concepto de technologia de information appellate Local de
Informationes Belletristic, Reutilizabile e Ordinate -- L.I.B.R.O.
Le L.I.B.R.O. representa un avantiamento phantastic in le
technologia:
* Illo non ha filos, circuitos electric, pilas.
* Illo non require esser connectite a alco, ni esser accendite.
* Illo es tanto facile de usar que mesmo un infante pote operar lo.
* Basta aperir lo!
Cata L.I.B.R.O. es formate per un sequentia de paginas numerate,
facite de papiro recyclabile, capace de continer milles de informationes.
Le paginas es unite per un systema apellate ligatura, que los mantene
automaticamente in lor sequentia correcte. Le uso intensive del ressource
T.P.O. -- Technologia de Papiro Opac -- permitte que le fabricantes usa le
duo facies del folio de papiro. Isto possibilita duplicar le quantitate de
datos inserite e reducer le costos al medietate! Expertos se divide quanto
al projectos de expansion del insertion de datos in cata unitate. Il es
que, pro facer L.I.B.R.O.s con plus informationes, basta usar plus
paginas. Totevia isto los rende plus voluminose e plus difficile de esser
transportate, attrahente criticas del adeptos del portabilitate del
systema. Cata pagina de L.I.B.R.O. debe esser scannate per medio optic, e
le informationes transferite directemente al Unitate Central de
Processamento del usator, in su cerebro.
Nos recorda que quanto major e plus complexe sera le information a
esser transmittite, tanto major debera esser le capacitate de
processamento del usator. Altere avantage del systema es que, quando in
uso, un simple movimento de digito permitte le accesso instantanee al
proxime pagina. Le L.I.B.R.O. pote esser rapidemente reprendite a
qualcunque momento, basta aperir lo. Illo nunquam presenta ERROR GENERAL
DE PROTECTION, ni require esser reinitializate, malgrado devenir
inutilizabile si illo cade in le mar, per exemplo. Le commando "browse"
permitte accessar qualcunque pagina instantaneemente e avantiar o
retroceder con multe facilitate. Le majoritate del modellos in vendita ja
veni con un version "indice" installate, le qual indica le localization
exacte de gruppos de datos selectionate. Un accessorio optional, le
marca-paginas, permitte que tu accessa le L.I.B.R.O. exactemente in le
local in le qual tu lo ha lassate in le ultime utilization, mesmo si illo
sia claudite. Le compatibilitate del marcatores de pagina es total,
permittente que illos functiona in qualcunque modello o marca de
L.I.B.R.O. sin necessitate de configuration. In ultra, qualcunque
L.I.B.R.O. supporta le uso simultanee de varie marcatores de pagina, si su
usator desira mantener selectionate varie fragmentos al mesme tempore. Le
capacitate maxime pro le uso del marcatores coincide con le numero de
paginas. Se pote additionalmente personalizar le contento del L.I.B.R.O.,
per medio de annotationes in su margines. Pro isto, se debe utilizar un
peripherico de Scriptura Textual de Information a Litteras Oblitterabile
-- S.T.I.L.O. Portabile, durabile e incostose, le L.I.B.R.O. es indicate
como le instrumento de intertenimento e cultura del futuro.
Milles de programmatores de iste systema ja ha disponibilizate
varie titulos e "upgrades" utilizante le plattaforma L.I.B.R.O.
(Millôr Fernandes)
_____
Ensjo.
|
