Amicos,
Naturalmente io expecta un stilo "academic" quando io lege textos seriose in
mi campo de scientia (silvicultura). Ma quando io lege textos in mi campo
per personas educate in altere campos io sovente deveni suspiciose. E
particularmente si il se tracta de personas in scientias humanistic. Illes
sovente tenta prestar un gloria del ver scientia. Naturalmente sin un ver
analyse. Sovente on allude al paradoxo de insecuritate (Werner Heisenberg)
quando on dubita le theoria lanceate o le resultatos attingite. A vices
anque le theoria del relativitate es usate pro lor scopos. "Totes es
relative", illes dice. Non sin pompositate. Ma il es argumentos vulgar.

Plure de nos rememora nos le "hoax" per Alan Sokal. Ille es un professor in
physics (New York Universitate) e ille plure vices ha adoptate un jargon a
scriber usate per sociologistas. Ille succedeva publicar un longe articulo
in un respectabile periodico sociologic "Social Text". Ibi ille ha menate le
lectores acceptar un ver "abracadabra" e ille ha anque proponite que le
constante PI non es un constante (numero fixe) ma que illo pote adoptar
valores differente. Su articulo ha dupate le gerentes del periodico e un
grande parte del lectores. Un ver scandalo! Vide
www.physics.nyu.edu/faculty/sokal/  Plus tarde Sokal anque con un companion
francese ha succedite executar (decapitar) plure philösophos moderne e
popular in le mesme maniera.

Quanto al discussion del prosa de Gode io trova le argumentos de ambe
Harleigh Kyson Jr. e de Stan Mulaik multo bon.

Quando io le legeva le Manifesto de Interlingua per Gode pro le prime vice
io immediatemente observava su metaphora del "loco geometric". "Aha", io
pensava, "nunc ille vole vestir se como un scientista-mathematico! Esque
ille vermente cognosce le signification de iste concepto?" Ma io habeva
torto - ille sapeva. Nonobstante io non ama iste documento a causa de su
stilo difficile. Illo es absolutemente non un documento propagandistic pro
interlingua - al minus non pro novicios. Illo non debe haber loco in le sito
de UMI. - Io sape que Stan Mulaik ha un opinion differente. Nos ha discutite
lo plure annos retro..

Janne


Jan Årmann/ Jan Armann
Generalsgatan 12 E, S-903 36 UMEÅ, Sverige/Svedia
+46(0)90771525, Mobil +46(0)706594934,
Sommar/Estate +46(0)52521485
[log in to unmask] , [log in to unmask]
Reserva [log in to unmask] ,
http://www.algonet.se/~armann