Salute a omnes

Io pensa que il esserea interessante apprender alique (?) plus del
participantes del Interlng. Io pensa a cosas como: Qual es vostre sexo,
etate, nationalitate, occupation, interesses, etc. Il esserea anque
interessante saper qual linguas vos sape ultra interlingua, e in qual
succession vos los ha apprendite. Il esserea particularmente interessante
saper, si il ha ulle interlinguistas, qui non anque parla anglese.

Pro commenciar: Io ipse es un homine de trenta-duo annos, io es de Danmark,
e habita in le peripheria de Copenhagen. Io es studente de jurisprudentia
(un "studente eterne", como nos dice in danese ;)), e mi prime hobby es
sonar le piano - in le annos passate, io ha focusate (?) a sonar le jazz. Io
parla danese e anglese, e io comprende svedese e norvegiandese, e un pauco
german e francese (multo mal.). Io non sape si io es assatis fluente in
interlingua pro dicer que io pote parlar lo. Le succession in le qual io ha
nominate le linguas es anque le succession approximative in le qual io los
ha apprendite.

Io expecta con placer vostre responsas. : )

Lars

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================