Sabato, 13 set 2003, alle 22:36 Europe/Rome, Martijn Dekker ha scritto:

> Le message sona assatis definitive ("le servitor in que iste sito
> olim viveva es defecte"). Io spera que le datos considerabile jam
> entrate non es perdite. Esque alcuno ha plus informationes? Jay?

Non necessariamente. Quasi semper le servitores in le "server farms" 
usa systemas de backup quasi continue. Isto significa que si un disco 
es defecte, le altere habera un copia que al maximo es vetule de X 
horas, ubi X solitemente es 24 (ma il pote anque esser un septimana).

Certemente un servicio enorme como wikipedia.com ha alcun (o plure!) 
formas de backup, como discos in modalitate RAID e backup externe 
(possibilemente non incremental hehe :).

Probabilmente on debe solmente attender lunedi. Anque le servitor news 
[usenet] de mi provider ha problemas, e il non ha le messages de hodie, 
benque si io proba mandar uno, illo es inviate al altere servitores. Io 
crede que ille machina ha terminate le spatio su disco... assi que le 
messages es inviate ("relay") al altere servitores ma non es registrate 
localmente. De facto, in alcun gruppos il ha messages de hodie, ma 
illes es certemente multo pauc si comparate al quantitate usual. 
Probabilmente ille messages trovava spatio proque le messages plus 
vetule es automaticamente eliminate.


Un Jollino hacker que tenta comprender le rationes del problemas 
informatic sin haber accesso al machinas problematic.
-- 
Daniele Nicolucci (Jollino)
"Anche se la notte è lunga,
l'alba arriverà per disturbarti."