Car amicos,
io scribe vos nunc iste message de Suissa. Io ha retornate
heri e ha habite un bon viage de retorno.
Io vos vole tosto dicer que nos ha habite a disposition a
Focsani le computator solmente duo dies. Ergo nos non
poteva usar iste medio como nos haberea desirate. Si vos
mandava message de discussion o initiativas a presentar a
Focsani, pro iste ration illos non esseva ibi legite. Nos
debera nunc continuar nostre labor a distantias.
Quante commotion a lassar nostre multe nove amicos a
Focsani. Lacrimas non poteva se retener! Quante enthusiasmo
pro Interlingua inter iste juvenes (e ancora con
nostre "patriarca" Toma). Le mesmo, naturalmente on pote
dicer con le gruppo de Bulgaros. Si tosto quanto possibile
on invitara les a junger se a iste lista de correspondentia
electronic. Le rumenos ha tamen multe plus possibilitates
in iste senso que le bulgaros, ma on habera le plus tosto
un adresse electronic mesmo pro Bulgaria.
Si tosto quanto possibile io rendera public per iste lista
le documentos del Conferentia e un sorta de reporto
personal del Conferentia. Io intende publicar super
Internet mesmo circa 40 photos que io faceva ibi.
Un curiositate: nos parlava si multo Interlingua a Focsani
que io ha ancora echos in mi aures del impressiones sonor
de Interlingua, e mesmo, naturalmente, del inflection
romanian.
Alora, per favor, attende con patientia.
Cordialmente, Paolo
_______________________________________________________
Get Visto!  Groups, event calendars, email, and more...
Check it out @ http://www.visto.com/info