Carl Bildt, le representanto del secretario general del ONU in Kosovo e
equalmente presidente del partito conservator, le Moderatos in Svedia
informava hodie le publico que ille lassa su officio de presidente del
partito. Isto ille explicava durante un conferentia de pressa hodie
antemeridie.

Per isto ille fini le carriera in le gerentia del partito al qual ille
adhereva jam in le etate de 13 annos, como politico scolar.

Il es obvie que Bildt ante toto es interessate in politica international.

Pro un observator del extero il es obvie que on non pote unir duo officios
consumante tanto labor como le gerentia de un partito e le carga de
representante del Nationes Unite. "Si le die haberea plus que vinti-quatro
horas e si le estate consistava de plus de menses" ille diceva in le
conferentia.

Il es claro que nos pote exspectar plus de iste habile politico.