Ingvar,
   Io te regratia pro informar nos de un altere traduction del Inferno.
   Io spera que nos non es reguardate como reinventante le roto, mais
io pensa que Bruno Zani, qui es le un qui ha initiate iste traduction,
ha usate le traduction como un maniera de apprender le interlingua.
Io ha jungite le in le traduction pro apprender un poco le italiano.
Nos usa le italiano original, le saper del italiano de Bruno, e mi
uso de un bon traduction quasi literal in le anglese del poeta american
Henry Wadsworth Longfellow. Io ha essite surprendite que nos poteva
mantener un certe grado del rima del original, mesmo quando le
interlingua non ha accordo generic inter adjectivos e substantivos.
   Bruno e Alberto ha ponite un version in le web, e io va publicar
un altere version in Confluentes con mi modificationes, que resulta de
saper ben le anglese per le qual io pote recognoscer cognatos in le
italiano. Assi con parve modificationes le resultato es mesmo plus proxime
al italiano que antea.

Stan Mulaik

--
Archivos e disabonar: http://listserv.icors.org/archives/INTERLNG.html