Jacques DEHEE ha scribite:
> Perque non excluder illes que infuria le neophytos?

Car Jacques,

Simplemente non existe un longe registro historic de neophytos 
infuriate in INTERLNG.

Post tu prime message in 4 de februario, 
<http://maelstrom.stjohns.edu/CGI/wa.exe?A2=ind0302&L=interlng&P=3214> 
(titulo "2004", con texto "CE QUE M'A APPRIS LINGUA MUNDI) tu subito 
entrava in conflicto con Kjell e altere participantes del lista. 
Habente observate le evolution del situation desde le initio, io vide 
un sequentia de messages e attitudes mal interpretate per te.

Per exemplo, de un affirmation que Kjell non sapeva ben le francese, 
tu deduceva que ille minuspreciava le lingua francese: 
<http://maelstrom.stjohns.edu/CGI/wa.exe?A2=ind0302&L=interlng&P=5216>

E non solo tu interpretava mal le cosas, tu promptemente reageva con 
attaccos "ad hominem". Kjell esseva tosto classificate como 
"esperantista" (comprendite como "individuo anti-interlingua"), e 
appellate "cretino" e "vipera". E tosto il habeva un multitude de 
"viperas".

Invectivas a pena servi pro reinfortiar tu argumentos, mais illos es 
multo efficace pro degradar le imagine de ille qui los utilisa.

Non es estranie que in INTERLNG, que generalmente es un lista pacific, 
un persona subito se senti attaccate sin motivo per plure alteros?

Per medio de un texto scripte, quando nos non pote vider le facie de 
nostre interlocutor, es facile facer suppositiones incorrecte super le 
stato de anima del altero. Sempre que io lege un message in le 
Internet, io imagina que mi interlocutor parla in maniera cordial, 
salvo quando un altere attitude es assatis manifeste.

Si tu relege le sequentia de messages attentemente e con le spirito 
disarmate, tu probabilemente va notar iste mal interpretationes que io 
mentiona.

E io spera al fundo del corde non haber le necessitate de excluder 
ulle persona de INTERLNG.


Cordial salutationes,
--
Emerson José Silveira da Costa
http://www.nautilus.com.br/~ensjo/
http://www.ensjo.net/

Milliones de personas comprende INTERLINGUA
sin necessitate de studio previe!
http://www.interlingua.com/    (in Interlingua)
http://www.interlingua.org.br/ (em português)