Car amicos!

Hodie le svedeses vade a electiones general, un election que essera excitante. Secundo le plus del institutos de 
inquesta del opinion le governamento sedente, Le Alliancia, ha un multo parve superioritate. Ille governamento consiste de quatro partitos non socialista, Le Alliancia: 
1. Le plus grande es Moderaterna (m), le partito moderate que forsan iste vice pro le prime vice essera le plus grande partito del parlamento con circa 30 % del votos.
2. Folkpartiet (fp), le partito liberal con circa 8 % del votos.
3. Centerpartiet (c), le partito centro, con circa 5 % del votos.
4. Kristdemokraterna (kd), le partito democrate christian, con circa 4 %.
Secundo le prognoses illes forsan habera circa 47,6 % del votos e poterea mantener le dominio in le governamento a condition que nulle del partitos habera minus que 4 % del votos lo que menacia specialmente kd. Alora ille partito non entrara in le parlamento.

Le opposition consiste de tre partitos, Le rubie-verde:
1. Socialdemokraterna (s), Le socialdemocrates, con circa 30 % del votos. Ille partito durante multe annos ha essite le plus grande del parlamento.
2. Miljöpartiet (mp), Le partito ecologic, con circa 8 % del votos.
3. Vänsterpartiet (v) Le partito de sinistra, con circa 7 % del votos.
Secundo le prognoses illes forsan habera 45,8 % del votos.

Ambe alliancias time que le partito Sverigedemokraterna (sd), Le svediademocrates, entrara in le governamento. Secundo le prognoses illes forsan habera plus que 4 % e alora illes entrara in le parlamento. Ille partito quasi es un "partito de un question", e illes le plus labora pro immigration multo reducite. Le plus altere personas non les considera como democrates a causa del historia xenophobe del partito e que on ha attrahite personas con opiniones xenophobe extreme. Ambe alliancias ha dicite que on non intende cooperar con sd ma in vice essaya cooperar con un partito in le altere alliancia (bloco), "governamento de excesso de bloco".
Si nulle del alliancias obtene majoritate proprie le carga del governamento essera multo difficile e jam le economos in tal caso ha predicite inquietude in le mercatos economic.

Erik Enfors 
Vallåkergat.25 
SE-432 37 VARBERG 
Svedia
Tel: +46 (0)340-875 45
(Mobil: +46 (0)730  65 60 21) 
Skype: untorrente
e-post: [log in to unmask]







Milliones de personas comprende interlingua immediatemente.
www.interlingua.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html