Sr. Tom Hicks, mercante de pianos,
habeva recipite un appello de telephono
de un dama qui peteva le inviar alicuno
a su domo pro accordar su piano. Non
Habente alora le empleato habitualmente
cargate de iste specie de labor, ille inviava
un reimplaciante al indicate adresse.

Le juvene homine, quando ille habeva
sonate, videva apparer in le apertura del
porta, un capite de femina con molliate
capillos.

- Es vos le accordator? questionava le femina.
Post su responsa affirmative, illa aperiva toto
grande le porta e ille videva que illa era toto
nude, e que illa sortiva de su banio. Sin alicun
embarasso le femina prendeva le per le mano,
faceva le entrar e conduceva le al piano. Le
juvene era troppo polite pro manifestar su
surprisa. Ille dunque mitteva se al travalio,
e quando ille habeva finite, le femina
reprendeva le per le mano, duceva le al
porta e regratiava le pro su visita.

Solmente le sequente die, post haber
narrate su aventura a su director, ille
habeva le clave del mysterio: le accordator
que ille reimplaciava era cec. Le clienta
habeva essite informate in re lo, e
naturalmente, quando illa audiva
sonar al porta, illa judiciava inutile
de vestir se ante aperir.

Le mestiero de accordator non es semper gai,
declarava Sr. Hicks, ma il ha, a vices,
compensationes.

--
      [log in to unmask]
             L(©¿©)K!
http://adam.cheshire.net/~jjbowks