Bon die,

Apparentemente "Europa-Democratia-Esperanto" presenta candidatos in Francia
e in Germania. Le cliccar super altere paises del mappa conduce sia a
gruppos de discussion, sia a un formulario permittente scriber a illes.

Le partitos in Francia, e mesmo associationes o altere gruppos, que presenta
candidatos a electiones percipe pecunia public pro le costos de propaganda,
post illos recipe ancora pecunia proportionalmente a lor resultatos. Si on
se arrangia ben, le propaganda costa nihil, e on gania in publicitate e in
pecunia... Le lege super isto ha essite votate post le scandalos de pecunia
public o de grande interprisas robate que ha attingite le grande partitos
governamental.

Ben, pro revenir a nostre subjecto, io non sape an le scopo del lista
esperantista es reciper pecunia, sed illo es un possibilitate... Forsan un
germano poterea explicar nos si le leges electoral german offere le mesme
avantages ?

Loeiz.

-----Message original-----
Kjell Rehnstrom scribeva :


Le sol nove partito del qual ego ha audite ci in Svedia es le "Lista
Junio" (junilistan), consistente de personas contra le idea del Unionn
europee. Il se tracta de un lista "interpartitari" (i.e. illo ha
membros de plure partitos que principalmente, in pleno, accepta le idea
del Union. considerante le multo sceptic attitude del populo svedese il
es possibile que le Lista Junio habera un representante in le
EU-parlamento, ben que ego lo non desira.

Salvo isto il non ha altere partitos salvo le costumari que es
representate in le parlamento svedese. Es le partito esperantista mesmo
registrate? In Svedia on debe registrar le partito que participa in le
election, e si le partito ha representantes in le parlamento svedese le
"paga taxas" finantia le impression de schedas de election. In Svedia
le schedas de election ha le nomine del partito e le personas qui es
candidatos pro iste partito. On pone un x ante le nomine que on desira
como representante. Isto on pone in un particular inveloppe electoral
(lo que onn face post un schermo, assi que nulle pote vider que on
face). On dona le inveloppe al functionario del election, qui controlla
le nomine del electante e pone le inveloppe in un urna de votation
(tombola?).

Ma le processo de registrar un partito es un poco difficile - a mi
comprension - e si le esperantistas ci habeva registrate participation,
ego certo audirea de isto. Il es interessante saper si illes solo
candida in Francia.

Kjell R