[ Ignacio ]
In re le monarchia elective, non vos altera. Io ha usate iste expression
solmente pro remarcar que illo es estranie pro nos, le europeos qui vive in
systemas parlamentari.

[ Pfaff ]
Ignacio, io non objecta a tu uso de iste expression. Si, le systemas
parlementari pare esser le plus moderne.  Ma, le revolution, republica, e
constitution american ha nunc plus que 200 annos de etate. Nos non debe
esser surprendite que le vetule autores anglo-american de nostre
constitution comprendeva le advantages (e le periculos) de un monarcho. Lor
monarchia britannic habeva essite certemente un del optime monarchias del
historia. Illes odiava le abuso del colonias per le governamento britannic.
Illes odiava le rege George (qui parlava germano, io crede). Illes non
voleva haber un familia regal.  Ma io pensa que illes comprendeva que haber
un leader forte e de bon qualitate era multo importante.

Io suppone que il essera estranie audir isto ex le mundo de un americano,
ma io crede que le OPTIME governamento possibile esserea haber un "monarcho
perfect". Ma, usque nos trova un persona perfect, non debe inventar altere
systemas pro governar nos per humanos imperfect.

[ Ignacio ]
Io non sape si Clinton ha commitite abusso de poter in iste caso (voleva
Monica Lewinsky haber relationes sexual con ille o non?

[ Pfaff ]
Si, il es obvie que le parve Lewinsky non era molestate contra su
voluntate.  In veritate on pote plus tosto dicer que Monica ha seducite le
presidente.  Il pare que illa ha un personalitate multo insecur e trovava
le possibilitate haber un affaire con un homine si alte e si potente multo
attractive.  No, Clinton non ha molestate Lewinsky in modo criminal.  MA,
si un general del armea o un burgomaestro de un citate o un director de un
schola haberea involvite se in modo similar con un juvene femina qui era
SUB SU SUPERVISION E POTER, il es multo probabile que le general o
burgomaestro o director haberea perdite su position.

Como io vide le cosas, le administrationes Clinton -- e in Washington e in
Arkansas -- ha demonstrate su tendentia a abusar su poter.  Io ha legite
multe exemplos de isto, non solmente in le sphera de sexualitate, sed etiam
in le spheras pecuniari e policial.  Ma io vole repeter:  le defenditores
de Clinton semper essaya concentrar le tote attention a le "sexo" ipse.  E,
alora, illes face le argumento:  sexo es private, sexo es normal, cata
humano normal pote comprender le tentation sexual, le criticos de Clinton
son puritanos e pensa que "sexo es immunde", etc.   (Tu ipse, Ignacio, ha
clamate que le opposition a Clinton pensa assi...) Si tote le mundo es
completemente mesmerizate per iste parve scandalo e sexo, illo remane cec
avante le ver periculo.

In mi message io essayava explicar que iste historia de Monica es vermente
superficial. Le ver problema es que Clinton ipse es un homine debile e un
leader corrupt.  Io non es comfortabile quando io pensa que iste homine,
qui ha agite con un impulsivitate e stupiditate quasi incredibile in
acceptar le tentationes de Lewinsky, ha le altissime commandamento super le
fortias armate del USA!!  Impietosemente ille ha involvite su amicos, su
povre secretaria, le tote Casa Blanca e branca executive del governamento
in su rete de mendacio!  Investigationes de su activitates financial (e
forsan criminal) in Arkansas ha essite stoppate per su manipulationes de
judices e investigatores prosecutorial.   Illo ha abusate poter pro obtener
del FBI (policia federal) filas confidential super opponentes!  Le
opposition (e political e in le pressa) ha recipite le menacia que lor
proprie historias sexual esserea revelate.  (E, curiosemente!, nos ha
vidite in le ultime dies revelationes de tal scandalos in le passatos de
tres leaders del opposition.)  E, io repete, del operativos publicitari del
Casa Blanca Josef Goebbels ipse haberea potite apprender como facer
propaganda.

Io time que le administration Clinton face damnos permanente a nostre
systema political.  Io es MULTO infelice super isto.
Le fundatores ha date a nos le utensiles constitutional necessari pro
eliminar "monarchos" mal.  Io spera que nostre populo ha le corage pro usar
los...

-- frank