Harleigh ha scripte:
> Le evolution se ha observate in action in le caso, pro
> exemplo del virus VIH e le caso de diverse bacterios
> que ha devellopate resistentia contra le antibioticos.

Jay ha scripte:
>Illo non es un proba del evolution.
>Illos jam habeva iste habilitate.

Le evolution es un combination de mutationes genetic e superviventia.

Intra un "population" de bacterios, le antibioticos pote occider le major
parte de illos. Si totevia un micre parte es resistente al antibiotico,
iste bacterios va superviver e reproducer se, e assi occupar le spatio
liberate per le morte del alteres. Le comportamento apparente es le
evolution del population original de bacterios a un version plus
resistente.

Comocunque, iste resistentia a antibioticos pote apparer originalmente a
causa de mutationes genetic minime que occurre durante le reproduction.

Si un mutation provide un characteristica que favora le superviventia de
un individuo, illo ha le opportunitate de reproducer se e propagar ille
characteristica. Si illo non lo favora, le individuo ha grande
probabilitate de morir ante reproducer se, e le mutation "negative" non se
propaga.

E le mutationes non es le unic mechanismo de evolution possibile.

Existe un theoria secundo le qual le mitochondrios (organellas cellular
que provide energia al cellulas) esseva in le passato remote organismos
independente que ha essite inglutite per un altere organismo, e ambes
initiava un relation de symbiosis. Un indicio de isto es que le
mitochondrio ha su proprie ADN.

http://www.geocities.com/jjmohn/endosymbiosis.htm
http://cas.bellarmine.edu/tietjen/images/origin_of_mitochondria_in_eukary.htm

Viste que nostre mitochondrios proveni del ovulo fornite per le matre, sin
ulle interferentia del spermatozoon de patre, illo rende possibile
resolver questiones de maternitate, mesmo trans plure generationes.

http://www.tbheritage.com/GeneticMarkers/mtdnaintbBowling.html

Il ha mesmo un videojoco appellate "Parasite Eve", in le qual le
mitochondrios disveloppa un sorta de conscientia collective e se rebella
contra le humanos. Le joco comencia con un scena ubi personas entra in
combustion spontanee!!! :-O

http://www.squaresoft.com/web/games/pe/world.html


A revider,
Ensjo.