Jonathan Julius Dobkin wrote:

> Obviemente, io ha debite scriber "Il es un disgratia" e non "Es un disgratia"
> Anque, debe esser "es iste le parola" e non "es le parola"

Secundo le grammatica de G&B ambe es possibile: Il es un disgratia et Es un
disgratia.

In plus le moral non jace in le invention ma in le persona qui lo inventa. In
facto nos humanos es un hoste multo bellicose. Que nos in multe casos succede
render nostre cosas bellicose a in utensiles profitabile es un facto, ben que
nos non sempre succede observar lo.

Nos parla del scriptura Braille (bray, in paises sub influentia anglese on dice
frequentemente [breil], sed Braille non era le originator ma Charles Barbier,
capitano in le armea francese. Ille habeva inventate un scriptura pro uso
militar, "ëcriture nocturne". Il ha dubios si su scriptura unquam era usate in
situationes del theatro de guerra.

Le invento de Barbier totevia veniva in cognoscentia de Luis Braille, un
non-vidente pedagogo, qui videva le avantages de un scriptura per punctos in
vice de litteras normal, plus o minus in relievo alte. Ma Braille diminueva le
numero de punctos del 12 apud Barbier a 6, que sta in duo vices parallel como le
sex (sena?) de un carta de joco. In scriptura Braille moderne on ha addite
ancora duo punctos, que resulta in 8 (un apud le altere al ultime linea a
basso).

Per le 6 punctos del scriptura on pote generar 63 combinationes, dice le
expertos. Per un machina a scriber scriptura Braille on pote facilmente scriber
in omne linguas. Le cognoscentia de linguas del scriptor es le limite!

Pro multe linguas on usa un extendite systema de abbreviationes, viste que un
libro que in scriptura normal es multo tenue deveni in su version Braille
muuuulto spisse.

Per le advento del computatores le usatores del scriptura Braille ha un
plenmente nove mundo al summitos de su digites.

Ma io voleva solmente dar le exemplo que anque cosas militar pote crear plus
utile effectos de synergia quam utensiles pro inviar nostre conhumanos a un
altere mundo.... (allegretto ma non troppo)

Cellus