Car omnes.

In solmente 14 dies fini le inscription al 20me Conferentia
International de Interlingua le 27 de julio al 3 de augusto 2013 in
Freiburg, Germania.

Le absolutemente ultime data pro inscriber se es le 31 de maio, e isto
es ultimative. Dunque inscribe te (e preferibilemente tu familia anque)
hodie pro un septimana exceptional in compania international.

Il habera cursos de interlingua, excursiones, intertenimento,
mult(issim)e conversationes, discussiones, labor in gruppos, amusamento,
canto e musica ... e tu mesme pote contribuer al activitates per esser
active e energic.

Isto es conferentia numero 20, dunque assiste in le jubileo. Tu non va
regrettar lo.

Le precio pro tote le septimana - inclusive camera singule, omne
repastos e excursiones - es solmente 450 euros.

Ma non solmente inscribe te (e tu familia - non oblida isto!). Adjuta
nos e adjuta interlingua per usar tempore durante le veniente dies pro
laborar pro trovar sempre plus de participantes.

Diffunde le message. Informa le gente super le conferentia. Lege plus in
www.interlingua.com/conferentia/2013, ubi il ha ligamines al scheda de
inscription etc.

Bon labor, gratias pro tu manos e a revider in Freiburg - le urbe con le
plus multe sol in tote Germania!

Con mi optime salutes
Thomas Breinstrup


--
Pro leger le archivos e pro modificar o cancellar le subscription:
http://listserv.icors.org/archives/interlng.html