Lars Rosenmeier wrote:

>A proposito, io ha audite que multe gente in le Europa Est (?) ha le germano
>como lor secunde lingua in loco de anglese. (Pro exemplo alcun personas de
>Polonia que io cognose comprender melio le germano que le anglese.)
>
>
Isto es solo experientias anecdotic, e mi experientias es del annos 70 e
indirecte postea.

In certe partes de Polonia, Silesia, (Slask, Schlesien) multes parla le
germano, nam partes del population es bilingue.

In Polonia occidental como le urbe Poznan ego suppone que multes ancora
parla le germano o lo apprende in le scholas. Viste que multe poloneses
anque ha laborate o labora in Germania o ha parentela ibi, illes parla
le germano.

Le juvene generation apprende in augmentante grado le anglese. Le
juvenes que ego ha incontrate parla in general anglese.

In Tchekia e Slovakia ego suppone que le situation es analoge, i.e.
multes, particularmente le senior personas, parla germano, le juventute
plus tosto anglese.

In Bulgaria le germano era multo importante, quasi le prime lingua
estranier post le russo. Il es possibile que le situation se cambia ibi
anque gradualmente al favor del anglese.

Romania es forsan le exception si on exclude Transylvania ubi il vive un
grande germane minoritate, nam ibi le francese sempre ha essite le
lingua de status. Considera famose scriptores romanian como le
absurdista Iunescu.

In Jugoslavia (le ultime annos de su existentia in 1988) ego incontrava
multe personas qui habeva laborate in Germania e parlava ben le germano.

Nunc mi impression es que le juvene generation parla multo anglese, e ben.

Le mesme impression ego ha de Grecia.

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================