Subject: | |
From: | |
Reply To: | INTERLNG: Discussiones in Interlingua |
Date: | Fri, 14 Feb 2003 14:17:24 -0800 |
Content-Type: | text/plain |
Parts/Attachments: |
|
|
Secundo lo que io ha legite, il pare que quando Alice
Morris contractava Martinet, Gode esseva le chef de
operationes pro IALA. Ille habeva le officio de
determinar formas del vocabulario e eventualmente le
structura del grammatica de interlingua.
Quando Alice Morris habeva contractate Martinet, il me
pare que illa esseva multo naive si illa non sapeva
que il habeva differentias de philosophia
interlinguistic inter illes e que, a causa de tal
differentias, il haberea conflictos inter illes que
producerea obstaculos al publication final de
interlingua e que augmentarea le expensas del
projecto.
E, secundo lo que io ha legite, Alice Morris sempre
prefereva le esperanto. A vices illa mesme essayava
modificar lo que Gode essayava facer. Il pare que
Gode credeva que illa non habeva le cognoscimentos
philologic necesse pro arrivar a opiniones valide sur
lo que ille faceva, e isto esseva un causa de friction
inter illes.
Ben que io non ha legite isto explicitemente, il me
pare que le familia de Alice Morris credeva que su
projecto pro arrivar a un nove lingua construite
esseva un excentricitate inutile sue que illes non iva
appoiar economicamente post su morte.
__________________________________________________
Do you Yahoo!?
Yahoo! Shopping - Send Flowers for Valentine's Day
http://shopping.yahoo.com
|
|
|