Le anterior era le quarte parte ma io, per un error,
titulava lo como parte quinte...

Ora si, il veni le quinte parte:

    Un del cosas que io trovava interessante, il era le
facto de cognoscer le grande establimentos agricole del sud
argentin. Iste 'estancias' -assi nos lo apella- es
generalmente enorme in extension. Illos facilemente supera
le 10.000 hectares de superficie. E multes es ancora plus
extense. Le majoritate del 'estancias' del sud argentin es
dedicate al reproduction de oves. Iste stabilimentos es
anque punctos de referentia multo importante en iste zona
desertic. Illos es tanto importante que appare in le mapas
del pais.
    Le planta petrochimic ubi io laborava era in le terrenos
del 'estancia Cullen'. Illo ha iste nomine proque trans le
terreno il ha su curso le rivo Cullen. Le propietari de iste
establimento ha un grande avantage. Juncto al petroleo veni
le moneta. Le propietari per le location del terreno
occupate per le installationes, recipe annualmente un grande
suma de moneta. Nonobstante iste 'estancia' ha anque un
enorme extension de terreno e un grande numero de oves. Pro
que vos ha un idea del extension del establimento, desde le
planta usque le edificationes de tonder le oves il ha quasi
trenta kilometros de distantia! Le establimento es limitate
al west per le frontiera chilen e al est e nord per le mar.
E tote isto pertine al mesme 'estancia'!
    Le principal motivo pro il haber tal extensiones de
explotation on debe al povressa del terreno e al necessitate
de il haber grande numero de animales, pro que le negotio
sia rentabile. In le pampa con su ric pastura pro exemplo on
pote haber circa 20 oves pro cata hectar e un bove pro le
mesme extension. Ma hic con le pastura dur solo il es
possibile haber 2 oves per hectar. Vermente io non sape
quante boves il sera possibile nutrir in ille loco...
    Viste que le precio international del lana il ha satis
tempore que ha bassate, le rentabilitate del tonder oves non
es tanto atractive como in le passato. De plus le filios de
iste familias traditionales jam non vole plus occupar se del
negotios. Naturalmente illes preffere le vita commode del
citates. Tunc multe antique propietari ha comenciate a
vender lor propietates. Per iste realitate es como le
fratres Benetton, Silvester Stallone e le mesmo Ted Turner
ha acquirite possesiones in le sud argentin. Turner
acquireva un 'parve parcella' de 8000 hectar al costa del
"Rio Grande". Le phanaticos del pisca dice que iste rivo es
le melior loco pro le pisca con musca.
    Nonobstante ultimemente se ha trovate un alternativa al
desparition de iste grande 'estancias'. Ora il ha un
"sigillo de origine" pro le "carne de ove patagonic". Iste
carne es multo saporose e il ha anque minus grassia que le
simile del nord. Tunc ora vos pote demandar in le
restaurantes de Buenos Aires e de multe partes del mundo
"carne de ove patagonic".

Ovemente

Horacio