Joseph Harb ha scribite:

Io ha legite alcun cosas estranie in iste gruppo:

AUT (o?)
RAISON (ration?)
ETSI (??)
ALIAS (de altere?)
SINCERES (adjective plural?)
TUS (adjective plural?)
CORDIALES (adjective plural?)
INSEGNAR (inseniar?)
PETO (io demanda?)
ATACT (attaccar?)
AUTORITE (autoritate?)
DIRE (dicer?)
UNA (un?)
CAS (caso?)
NIHILI (necuno?)
ISTA (iste?)
...

Que es iste?
( ) errores grammatical o de dactylographia
( ) paroles in bon Interlingua, que io non cognosce
pro que io es un novice
( ) altere lingua

---

Le major parte de iste formas es errores de
dactylographia.

Alteres es parolas bon in interlingua.  (Pro exemplo,
"coronation" e "coronamento" es valide formas
latino-romanic).

Multe contributiones a iste foro se scribe rapidemente
e se transmitte sin multe redaction.

Altere contributiones, includente contributiones mie,
se transmitte post diverse cyclos de redaction.

Iste foro es plus primitive que le foros Delphi, que
permitte le redaction post le transmission initial de
un message.  Un tal possibilitate non existe in iste
foro.

Formas como "tus libros" in vice de "tu libros"
probabilemente veni del influentia del espaniol.

Altere formas, como "iste libros" o "aqueste libros"
es formas alternative in interlingua.

Il ha habite multe debattos sur lo que debe esser le
forma "correcte" inter tal alternativos.  Io crede que
iste debattos es inutile e un guasto de tempore.

Un persona qui sape scriber vermente ben pote facer su
proprie selection personal inter iste formas e facer
se comprender assatis facilemente.

Interlingua es un lingua planificate.  A causa de iste
circumstantia, illo non ha un corpore de usatores
native qui pote decider definitivemente iste
questiones de forma.  Multes oblide isto--un
circumstantia que provoca debattos a vices assatis
acrimoniose inter interlinguistas.

Gradualmente, post vider multe exemplos de interlingua
in iste foro e in altere partes del Rete (o in libros,
si tu vole comprar los ex le servicio de libros del
Union Mundial Pro Interlingua), tu arrivara a tu
proprie version de interlingua basate sur le practicas
que tu trova le plus comfortabile.

Nemo potera dicer que tu version del lingua (o le mie,
o illo de ulle altere interlinguista) es le forma
"echt" o "pur" del lingua.  Studios de linguistica ha
establite que nostre linguas es artifactos assatis
instabile, e lor evolution in le spatio e le tempore
es inevitabile.

..........

__________________________________
Do you Yahoo!?
New Yahoo! Photos - easier uploading and sharing.
http://photos.yahoo.com/