Car amicos / amicas e compatriotas,

            Io pete permission a Gibrail Caon, nostre reporter sportive, pro transcriber aqui un parve chronica (traducite e adaptate) que io ha postate ante pauc minutas in mi blog:

NOVAS DEL BRASIL

 

Brasil batte Argentina e gania le Cuppa America 

 

Le Pan es multo belle, multo promissor, on parla multo de illo, mais le victoria que le aficionado brasilian ha vermente commemorate, con rocchettas in le stratas, ha essite le victoria del  principal equipa national de football - victoria de 3 a 0 - in Venezuela super nostre grande rivales, le argentinos, ora deveniente tamben nostre grande "clientes" :-). E illo ha essite un victoria belle, convincente e, supra toto, Meritatissime.

 

Le equipa national de Argentina ha jocate multo mal e ha jocate multo poco, tanto poco e tanto mal in comparation a illo que jam habeva jocate in iste mesme Cuppa America, que io me da le derecto de facer un forsan non habile calembour o joco de parolas, dicente que ante le camisa flave o jalne-auro (brasilian) le camisa blau-argento (argentin) ha pallidite avergoniate o per pavor.

 

In le equipa brasilian nos ha habite bon actuationes mesmo de Doni (le goal-keeper), de Maicon, de Gilberto, de Mineiro, de Daniel Alves, de Vágner Love. E, supra totos, le defensor  Juan e le "volante" Júlio Batista, sin mentionar Robinho, que heri non ha jocate ben sed ha essite seligite le jocator le plus valorose del Cuppa America.

 

Júlio Batista, a mi judicio le surprisa le plus bon del Cuppa America, es un "volante" e un avantiato - solo non es, ni pote esser, "armator", post que ille non arma le equipa, vale dicer non organisa le actiones offensive del equipa. Su action faciente le goal, heri, es typic de un jocator de attacco. Ille recipeva le bolla in position avantiate - un passo longe per Elano - controlava lo intra le area, fintava, e calcava con multe competentia.

 

(Adaptate e traducite del columna de Fernando Calazans in le jornal *O Globo*, edition del 16 de julio 2007, lunedi)

  

Cordialmente,



Carlos Alberto

--
Archivos e disabonar: http://listserv.icors.org/archives/INTERLNG.html