Car amicos,

Legente partes del messages super questiones religiose in nostre lista, io
regretta le tono de irritation que se ha disveloppate. Super themas religiose
il ha sempre differentias de opinion. On debe acceptar que illos existe. E
quando on desira intercambiar ideas e convictiones  super iste differentias,
on deberea evitar involver emotiones personal in le discussiones.

In le 5 conferentias del UMI al quales io ha participate il non habeva
servicios divin. Il habeva solmente Paolo Castellina qui pronunciava un
DISCURSO super un thema biblic. Ille lo faceva sempre in maniera
acceptabile e interessante, anque pro participantes non religiose.

Salutes amical de Piet Cleij