d[010206] x[Allan Kiviaho] KivA-126a
s[Bandieras e patriotismo]
Usa Courier New 10 o Courier 10, per favor.
[log in to unmask]
Ferenc Jeszenszky - [log in to unmask]
---------------------------------------------------------------
Jay Bowks 010130: fanaticismo del nationalismo me pare un fide
quasi-religiose e mi conscientia non me permitte dar mi
promissa de fidelitate a necun tal idolo nationalistic.
---------------------------------------------------------------
Jay 010131: ... io non vole involver me con necun symbolismo
nationalistic.
---------------------------------------------------------------
Jay 010131: Que io detesta le nationalismo cec que fortia a
juvene homines a occider altere juvenes pro le honor de un
patria. Isto es pro me un insulto al conscientia. Ma comprende
me, io non es un "pacifista" io solmente odia le cec rationes
que demanda le fidelitate de personas a un idolo inventate,
colores in un drappo. Pro me isto es un insulto anque al
humanitate. Omne nos es fratres, le ver color es sub le pelle,
nos omne ha rubie sanguine que nos da le vita.
---------------------------------------------------------------
Jay, como io jam ha scripte, mi concepto pro un
symbolo/bandiera pro interlingua es totalmente
neutral, geometria sin alicun avisos a religion,
fascismo, satanismo, imperialismo etc.
Europa es plen de bandieras e signos e semiotica es
un scientia popular e.g. in Finlandia e Estonia. Il es
difficile pro me comprender tu bandieraphobia.
Ver, io habeva un pauc timor ante le bandiera del
Union Sovietic, sed un bandiera de Estonia, Finlandia
e le bandieras de nostre paises fraternal in
Scandinavia etc. plena mi corde con amor e calor.
Qual gaudio quando le estonianos hissava su bandiera
blau-nigre-blanc durante le grande festivitates de
cantos in Tallinn ubique le medietate del population
de Estonia participava. Iste vice le bandieras era
ancora brutalmente demolite e lacerate per OMON e
altere instrumentos de tyrannia. Sed un pauc plus
latere iste symbolo del Estonia libere era hissate
al turre del fortalessa de Toompea e tote le nation
comenciava un rebellion que per miraculo succedeva
sin sanguine, al contrario de Latvia e Lituania.
Durante le ultime dies del battalia desperate contra
le hordas de Stalin in martio de 1940 le bandiera
blau-blanc flottava in le turre del grande vetule
fortalessa Viipuri/Viborg (le secunde citate de
Finlandia). Cata matino e vespere le soldatos
finlandese observava le bandiera e pensava: "Viipuri
es ancora de nostres!".
---------------------------------------------------------------
Jay 010131: Que io detesta le nationalismo cec que fortia a
juvene homines a occider altere juvenes pro le honor de un
patria.
---------------------------------------------------------------
Jay, Finlandia era attaccate le 1939-11-30 per un
stato gigantesc, 170 000 000 homines contra 3 887 000.
Iste ration corresponda un situation que hodie le
Statos Unite esserea attaccate per un nation de
12200 million homines - plus quam duo vices tote le
population del mundo ...
In le phase final Stalin habeva concentrate contra
Finlandia 60 divisiones que era plus grande quam le
divisiones finlandese. Finlandia habeva 12 divisiones,
2 de illos sin artilleria. Le ultime recercas in le
archivos in Moskva ha revelate que Stalin habeva
assignate ("earmarked") contra Finlandia ancora 15
divisiones plus pro le caso que mesmo iste 60
divisiones non habite essite sufficiente pro le
rapide colpo final.
75 divisiones contra 12, il corresponde que le
Statos Unite esserea attaccate per 3280 divisiones,
multe vices plus quam le numero de divisiones que
ha unquam existite in le mundo. Io crede que le
maxime numero de divisiones que le SUA ha unquam
mobilisate, es ca. 92.
Ver, Finlandia habeva tres potente alliatos:
Generales foreste, nive e frigido.
Le plus grande numero de divisiones german que le
alliatos del west, le Statos Unite, Grande-Britannia,
Canada e Francia incontrava al fronte del west
1944-45, era 60.
Quando Finlandia luctava sol contra le Union Sovietic
1939-40, le URSS era assistite per Germania que i.a.
adjutava le marina de guerra sovietic e impediva
Finlandia de obtener armas e.g. ab Italia. Sed un
grande choc es que mesmo le presidente Franklin D.
Roosevelt e ministro de financias Henry Morgenthau
sabotava le lucta del armea de Finlandia per
obstruente Finlandia de comprar material militar ab
le Statos Unite, que Finlandia voleva pagar con auro.
Isto es devenite revelate quando le SUA ha aperite
su archivos del guerra de ante 60 annos. Iste nove
factos son publicate in le libro "Apu jota ei annettu"
(Adjuta que non era date) de professor Jukka Nevakivi.
Jukka Nevakivi scribeva jam in 1972 un libro "Apu
jota ei pyydetty" (1976 in London con nomine "The
Appeal That Was Never Made"). Iste libro narrava de
corpo de expedition que Francia e Britannia voleva
expedir a Finlandia (de facto probabilemente solmente
pro occupar le minas de mineral de ferro in Svedia).
Totevia iste vague plano intimidava Stalin a acceptar
un armistice que salvava Finlandia con multissimo
exique margine.
A mesme tempore le SUA livrava material strategic al
Union Sovietic. Le motivo pro isto era que Roosevelt
sperava que le guerra inter le Union Sovietic e
Finlandia esserea solvite si tosto como possibile pro
stabilisation del situation in Europa del nord e
super toto que Germania restarea sin le mineral de
ferro svedese.
Le burgomaestro de San Antonion expediva un telegramma
al presidente Roosevelt ubi ille proponeva que le
populo finlandese deberea esser recolonisate in
Alaska, transporto pagate per le Statos Unite. Stalin
planava jam in decembro 1939 que le populo finlandese
vaderea esser redomiciliate in Siberia.
Proque le sympathias de populo del Statos Unite era
quasi 100 % al parte de Finlandia Roosevelt e
Morgenthau debeva camoflager su actiones detra
"problemas bureaucratic, legal" etc. Le famose
general de artilleria Vilho P. Nenonen dispendeva
septimanas in le SUA pro comprar vetule pecias de
artilleria britannic que non veniva a Finlandia
ante le fin del guerra. Ab 40 multo bon chassatores
"Brewster" solmente 3 arrivava a Finlandia durante
le ultime dies del guerra. Quando illos arrivava a
Turku (le previe capital de Finlandia), iste urbe era
justo sub attacco de bombatores sovietic e le
Brewsters poteva efficientemente participar al defensa
de urbe.
Paradoxemente le Brewsters serveva le fortias aree
finlandese multo ben in le guerra 1941-44, quando le
Union Sovietic era un alliato del SUA. Illos debeva
luctar i.a. contra chassatores "made in USA", como
Mustangs sed super toto contra le Airacobras.
- - -
Io pensa que le differentias de vistas al vita inter
Jay e me son differente sin compromissa.
Un ultime patriotismo e nationalismo son necessitates
absolute in un parve pais que ha como su vicino un
predatori grande potentia. In iste patriotismo joca
le bandiera national un grande parte moral. Le
bandiera de Finlandia e illos de parve paises del
Baltico menacia necuno. Io non ama multo leger que
Jay illos "detesta". Sin le patriotismo de nostre
juvenes a vetules in 1918, 1939-40 e 1941-45 nos
finlandeses esserea forsan 2 milliones minus e nos
forsan viverea in Alaska o Siberia ...
Al fin le canto finlandese que es sovente cantate
in Finlandia.
Lippulaulu Canto del bandiera
Yrjö Kilpinen (Säveltäjä) Yrjö Kilpinen (Compositor)
Siniristilippumme, Nostre bandiera blau-cruce,
sulle käsin vannomme sydämin: a te nos presta juramento con
sinun puolestas elää ja kuolla manos e cordes: pro te viver e
on halumme korkehin. morir es nostre desiro altissime.
Kuin taivas ja hanki Suomen Como le celo e nivo de Finlandia
on värisi puhtahat. son su colores pur.
Sinä hulmullas mielemme nostat Tu con tu flottante nostre mentes
ja kotimme korotat. e casas exalta.
Isät veljet verellään Le patres, fratres con su sanguine
vihki sinut viiriksi vapaan maan. inaugurava te a bannér del pais
libere.
Ilomiellä sun jäljelläs käymme Gaudiante nos te escorta
teit isäin astumaan. a vader le vias de patres.
Sun on kunnias kunniamme, Tu honore es honore nostre,
sinun voimasi voimamme on. tu fortia es fortia nostre.
Sinun kanssasi onnemme jaamme Con te nos divide nostre felicia
ja iskut kohtalon. e le colpos del destino.
Siniristilippumme, Nostre bandiera blau-cruce,
sulle käsin vannomme sydämin: a te nos presta juramento con
sinun puolestas elää ja kuolla manos e cordes: pro te viver e
on halumme korkehin. morir es nostre desiro altissime.
V.A. Koskenniemi V.A. Koskenniemi
Runoilija Poeta
Allan Kiviaho
Io expone mi capite ante le bandiera finlandese e nostre
veteranos del guerra
|
