13:40 03/01/2017, Ruud Harmsen:
>Naturalmente antea io corrigera le parve errores typographic.

Ecce le message de Ingvar Stenström post mi correction:
==

Car interlinguistas in tote le mundo!

In le prime hora del nove anno duo milles dece-septe io, un 
veterano, augura vos omnes un felice anno nove con bon sanitate e 
fortias e ambition pro laborar pro nostre objectivo commun, le 
diffusion de Interlingua a fin que illo pote haber plus grande 
importantia in le communication inter humanos e nationes.

Durante le plus que septanta annos, durante le quales io me ha 
enthusiasmate pro le idea de un lingua international neutral, le 
interesse inter le publico nunquam ha essite si basse. Omne 
organisationes pro auxilinguas perde membros, i.e. le activistas. 
Le esperantistas perde plus que nos; un de lor organisationes ha 
perdite 24% in un anno. E pro illes es plus vital le numero de 
membros, pois que illes pote communicar solmente con altere 
esperantistas. Nos interlinguistas ha un audientia de plure 
centos de milliones.

Jovedi io incontrava un Italiano qui visitava un vicino. Nos 
habeva un conversation vivide e interessante e nos comprendeva 
nos perfectemente. Tres dies postea un taxista, qui es de Chile e 
io confabulava durante 45 minutas e a su stupefaction ille 
comprendeva toto, sin saper in avantia lo que es Interlingua...

Lamentabilemente nos ha perdite alcunos de nostre plus actives: 
Bent Andersen, Piet Cleij, Brian Sexton e - le perdita le plus 
fatal pro le futuro - Petyo Angelov...

Nos debe recuperar iste perditas in tanto que possibile!

Il se tracta non solmente de interessar nove gente, ma de 
persuader le a devenir membros!

Pro Panorama nos debe trovar un distributor in un altere pais que 
Danmark, ubi le porto postal ha augmentate scandalosemente. Le 
ideal esserea un homine in Nederland, ubi se trova le 
imprimeria.    Hodie de facto le costos de production e e 
distribution equala o supera le abonamento!!

Cata uno pote facer Interlingua plus visibile per mention 
constante (intra limites rationabile!) le nomine in Facebook, 
i.e. in altere foros que le nostres.

Nostre litteratura cresce.  Esque vos lo compra?  Visita 
[http://www.lulu.com]www.lulu.com, cerca "books" e scribe 
"Interlingua".

Visita tamben www.interlingua.com - un fonte ric!
E belle surprisas vos attende in Youtube/Marcus Scriptor - cantos 
e poemas.

Manuales nunc existe mesmo in chinese e japonese, que da a iste 
nationes un via curte al linguas
occidental. Ma nos ha nulle organisation que pote divulgar iste 
nova de facto sensational al gente in iste paises....

Esque nos debe resignar? Io pensa que non.

Cordialmente, Ingvar, qui ancora suffre del degeneration del 
macula lutee e dunque non pote leger, ma face dozenas de errores 
typographic...

Qui sape alique de nostre amico Jay Bowks?




-- 
Ruud Harmsen, http://rudhar.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html