Averto contra le risco de un tsunami stoppate per autoritates in
Thailandia
  2004-12-28 11:09




  Av:Tidningarnas telegrambyrå (Agentia de telegrammas del pressa)
Expertos meteorologic de Thailandia era in session post le terramoto in 
le Oceano Indic le matino de soldi. Pro considerationes del tourismo 
illes desisteva averter contra le terramoto, allega le jornal 
thailandese "Le Nation".

Solo minutas post le terramoto in le Oceano Indic le matino de soldi le 
optime expertos sedeva in un incontro de crise. Ma illes desisteva 
facer un averto tsunami pro "considerationes al tourismo", scribe le 
jornal thailandese "Le nation". Le expertos recipeva information in re 
le seismo al hora 8 le soldi matino hora local. Un hora plus tarde le 
prime unda attaccava. Ma le expertos comenciava considerar factores 
economic quando illes discuteva un averto de tsunami.
Le argumento princicpal contra un averto era que tsunamis non habeva 
occurrite durante 300 annos. Salvo isto le expertos credeva que le 
insula indonesian Sumatra fungerea como un "para-undas" in favor del 
costa sud de Thailandia. Le expertos habeva solo accesso al prime, 
incorrecte datos que le seismo ha un magnitude de 8,1. Un equalmente 
forte terramoto in le mesme area in le anno 2002 causava nullecunque 
undas undas gigante.

Ma le experto con le qual "Le nation" parlava anque concedeva que il ha 
solo quatro expertos de terramotos inter le 900 empleatos al ministerio 
meteorologic national.

Altere expertos del session ha dicite al "Le nation" que un averto de 
tsunami era discutite ma que le riscos era disvalorisate e que on 
decideva non publicar un averto.

- Le decidente factor in iste decision era que le saison touristic era 
in plen action con hoteles, plen a quasi 100 %. Si nos habeva publicate 
un averto, que alora haberea ducite a un evacuationn e nihil habeva 
occurrite, que esserea in tal caso le consequentia? Le tourismo esserea 
immediatemente influentiate!

Nostre ministerio non habeva potite manear un tal situation, nos 
haberea perdite si le tsunami non veniva, dice un fonte in le 
ministerio qui era presente in le session del expertos. - Nos hesitava. 
Nos discuteva un averto ma non habeva un possibilitate render lo 
public, dice le fonte. Le director del ministerio Supharerk 
Sansrirat-tanawong nega que economic considerationes haberea 
influentiate le decision.

- Ego es del opinion que nos faceva nostre optimo, dice ille. Proximo a 
mille humanos, se crede que plus que 700 de illes,  touristas 
estranier, ha morite juncte con le facto quando le undas gigante 
frappava le costa de Thailandia al hora 9 del matino de soldi.

Le edition financiari del jornal Bankok Post informava le martedi que 
il durara al minus duo annos usque le tourismo es reconstruite de novo 
in le areas plus severemente distruite, Phuket, Krabi e Kao Lak. Kata 
anno circa sex milliones de touristas estranier arriva, insimul 
generante 100 milliones de baht (circa 17 milliardos de coronas 
svedese) de invenitos, scribe le jornal.

Rapidemente traducite pro vostre interesse.

Kjell R