> Car Jay;
>
> Le melior definition e conception super le television que io ha vidite es
> le sequente:
> TELEVISION ES UN MERAVILIA ELECTRONIC AL SERVICIO DEL MEDIOCRITATE !!
> Xuxa, Gugu e altere "monstros" es subproductos de iste midia
antidemocratic
> e concentrator de renta pro le nove ricos ubique in le mundo.
> Salutes brasilian,
>
>   Ramiro B. de Castro
>     Brasilia - DF

Heri io legeva in le jornal un articulo re un facto evenite 20 annos retro.
Un puero cadeva in un puteo proxime a Roma e le television italian
televisava in toto le evenimento de su possibile salvamento, usque al
infelice morte del puero! Iste programma televisive clavava ante al
television milliones de italianos.
Le jornalista opinava que desde ille programma le television italian ha
modificate
le realitate. E nunc le television italian continua modificar le realitate
secundo le moda actual.
Effectivemente le programmas televisive italian son multo mediocre, super
toto sin contentos cultural, scientific. Il ha quasi completemente
programmas de spectaculo, de intertenimento, de telenovelas, o sportive (90%
de football). Le informationes pare esser multo manipulate per le midias e
per forte gruppos economic e de poter! Le spectaculo que ha habite major
successo iste anno ha essite le "Grande fratre" un horripilante programma in
le qual dece personas viveva in un appartamento e plure cameras televisava
lor vita, lor conducta usque in banio! Le italianos ha devenite un populo de
depravatores.
Al vespere io prefere,  leger un optime libro, vader al cinema o parlar con
amicos o parentes!

Luca Ghitti
Via Rivadossa, 9/a
25042 Borno (BS)
Italia
[log in to unmask]