Forsan vos ha legite del electiones in Svedia. Le mesme die quando io
incontra le interlinguanos in Stockholm il habera electiones. Nos face
electiones del assemblea local, le representantes communal*, le assemblea
"gubernal" (como le ancian gubernias in Russia) e le parlamento, le
_riksdag_.

Le medios parla plus in re le election al parlamento, e pro isto forsan
multes non pensa del varie electiones local, malgrado que isto es multo
importante.

Nos pote votar in duo manieras. Jam hodie io poteva ir al posta e votar
ibi. Io recipe un copertura pro le election local, le "gubernial" e le
parlamentar. Cata partito ha schedas de election, ubi es scribite su
candidatos. Le varie electiones es symbolisate per varie colores, assi que
on non pote poner le scheda incorrecte in un coperta de votation.

Le authoritate de taxation (que etiam es cargate del census, le
registration del personas habitante in Svedia) ha inviate un carta de
votation, sur le qual il es scribite in qual electiones io ha le derecto
votar.

Quando io monstra isto al posta io pote ir post un paravento - assi que
nulle pote vider pro qual partito io vota) e postea io da le copertas al
functionario del posta.

Le die del electiones on vota in le electorios. Illes pote esser scholas,
prescholas o altere edificios official. Extra le casa sta representantes
del varie partitos e distribue schedas de election pro le partitos que
illes representa. Illes ha un grande banda con le nomine del partito. Del
leve (sinistre) a dextra le partitos se appella:
Partito Leve (ex-partito communista de Svedia): Lider: Gudrun Schyman
Le partito laborista socialdemocratic: lider e prime ministro Göran Persson
Le partito del ambiente (ecologic), Le verdes: porta-voces: Marianne
Samuelsson e Birger Schlaug
Partito Popular/Le liberales: lider: Lars Lejonborg
Partito del Centro (expartito del agricolas) lider: Lennart Dahléus
Partito Moderate (expartito del Derecto) lider Carl Bildt expremier,
exrepresentante del communitate international in Bosnia).

Si io vole haber schedas de votation io pote reciper un del representantes
del partitos. Io sole prender de omne representantes pro conservar le
secreto de voto. Omnes sole rider e crede que illes jam sape pro qual
partito io va votar, ma de isto on pote theoretisar.

Io pensa que le electiones es multo agradabile. Io vota in le matino ante
que ir a Stockholm pro incontrar altere interlinguanos qui certo jam etiam
ha votate.

In le vespere il es multo emotionante vider qual partito ha ganiate.

Ah, io oblidava dicer que le partito del ecologistas non ha presidentes o
lideres ma portavoces o tubas de parlar (si isto vos dice alque). Quando
illes veniva al parlamento ante alcun annos illes non voleva primo esser
vestite como le resto del parlamentarios, ma io crede que illes finalmente
ha conformite. Le tuba de parlar del partito Birger Schlaug ha scribite un
libro de omne su amores etc. io debe lo leger!

Omne le partitos ha su sitos que on pote visitar. Si vos ha acrobat reader
e altere programmas vos pote etiam leger information in altere linguas.
Pote esser interessante.

Vos pote de facto sequer le propaganda electoral in Svedia via le rete.
Certe partitos ha information etiam in altere linguas.

Si vos es interessate io pote dar vos plus de factos.

Nunc io va exprimer un opinion purmente personal: Io pensa que le politicos
non discute le plus importante question: Debe Svedia accessar al Union
Monetari Economic o non? Debe Suedia introducer le Euro?
Il sembla que le Moderatos e Liberales es in favor.
Le Centrum, Ecologicos e Leves (Le excom) es contra. Le socialdemocrates
sede in le governamento ma non dice ni isto ni illo.

On ha parlate de un referendum.

Hmmm.

Electoralmente








[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden