Car Andrew e totes,
permitte me de narrar a vos un pauc de mi historietta personal.
Multe annos retro, quando io esseva un puero, legente Plauto io esseva
grandemente afficite per un phrase: "lupus est homo homini" (le homine es un
lupo pro un alie homine). Isto esseva totalmente dissimile de lo que io
habeva audite usque ille momento. Io credeva que il existeva homines bon e
homines mal, e que occasionalmente le homines mal poteva converter se e
devenir bon.
Postea io legeva Horatio, Lucretio, Boetio e le Don Quixote de Cervantes e
un tonna de libros interessante, e finalmente io perveniva a Thomas Hobbes.
Io crede que nihil pote esser plus dicite in plus o in minus. Isto de Hobbes
es le fundamento del vision liberal del mundo. Le homines es
fundamentalmente dominate per un cec instincto de superviventia, assi cata
uno de nos es "bon" o "mal" secun le occasiones e le punctos de vista.
Dum io considerava iste cosas e initiava a pensar que il non ha sperantia
pro un mundo melior, io legeva (circa le anno 1968!) "Patres e filios" de
Turgenev, ubi io comprendeva que anque le nihilismo non forniva un solution
acceptabile del problema. Finalmente, post qualque mense io cognosceva un
Maestro Zen e inveniva - post plure annos - un explication e un solution del
problema. Io non vole dicer qual explication e qual solution, quia cata uno
de nos ha le derecto/deber de cercar su explication e su solution, e etiam
de NON cercar los. Ma io vole dicer a Andrew e anque a Josu, Claudio e
Janne, qui forsan - como consequentia de lor experientias interlinguistic -
es plus propense a pensar que omne effortio es inutile, io vole dicer a vos
que il ha un forma superior de conscientia: si vos lo obtene, omne conflicto
dispare.

robocap
discipulo zen

-----Original Message-----
From: Discussiones in Interlingua [mailto:[log in to unmask]] On
Behalf Of Josu Lavin
Sent: domenica 5 aprile 2009 13.14
To: [log in to unmask]
Subject: [INTERLNG] FW: Message valedictori

DAMNO COLLATERAL



Mi amico Andrew Juhasz ha abandonate Interlingua.



Josu Lavin

> Date: Sun, 5 Apr 2009 02:32:37 -0700
> Subject: Message valedictori
> From: [log in to unmask]
> To: [log in to unmask]
>
>
> Car Josu, car amicos,
>
> Io ha decidite a finir in tote le listas de interlingua.
> Mi interessas se ha cambiate in campos non-linguistic.
>
> Mi interessa in ia commenciava quando io era apprendente Espaniol.
> E, como alteres lo ha remarcate, le auxlinguistica ha un
> characteristica "addictive" (un tendentia de crear dependentia).
>
> Si ia ha essite un lingua vivente, e usate pro communicationes
> hodiernal super cosas del mundo, il haberea, forsan, un ration
> continuar con illo. Ma, como vos omnes sape, ia es usate solmente pro
> duo cosas: primarimente pro discussiones linguistic (e isto non es mi
> interessa), e, secundo, pro facer battalio le un interlinguista contra
> le altere (como sta eveniente ora in INTERLNG).
>
> Le vita es troppo importante (o, forsan io debe dicer, mi vita es
> troppo importante) e illo es troppo seriose pro tal distractiones.
>
> Io anque ha un ration politic pro lassar ia. Le ration d'etre de ia es
> le intercommunication inter populos e consequentemente le resolution
> del conflicto. Ma nos totes sape isto es un mytho. Il non es"un
> lingua commun" que apporta le homines le un a l'altere, mais le bon
> voluntate. Lingua ha solmente un minuscule rollo. (Io es bon amico de
> gentes qui non parla ben le linguas que io parla, e io ha inimicos
> inter illes qui parla mi propre lingua.)
> Continuar iste mytho de un lingua auxiliar es "in potentio" un
> obstaculo verso un ver intercomprehension inter populos. Le nonsenso
> que es ora de nove eveniente in INTERLNG es prova (proof) contra su
> ipse "raison d'etre".
> (N.B. proque il es prohibite poner "propaganda" in le Wikipaedia, mais
> McDutchie (et al.) ha nulle problemas con flagrante mentitas?!)
>
> Vos es bon amicos, e io leva mi capello a vos .
> Ora, io ha altere cosas con quem io debe occupar me.
> Forsan, in le futuro, nos nos incontrara de novo.
>
> Vale
> Andrew

--
Archivos e disabonar: http://listserv.icors.org/archives/INTERLNG.html