d[020224] x[Kiviaho Allan] z[KivA-22Nkk Coollist Interlng]
s[Jammais, jamais. Blau]

[log in to unmask]
[log in to unmask]

Senioras e seniores interlinquisitores!

In IED on trova le parola

jammais (-máis)
adv. ever, at any time;
non ... jammais - never
jammais! - never!

Sed io ha trovate iste parola solmente in le francese,
sovente in forma "jamais".

Secundo le IED on debe pronunciar iste parola como
zhamais (e non "zhamee", como in francese).

In espaniol on trova le parola
nunca, sed non unca.
"mas que nunca" = plus que unquam.

(In latino nuMquam e uMguam).

Seque le parola jammais vermente le regulas del IALA?

====
BLAU
====

Mi amico finlandese ex-esperantista e un agnostico in
interlingua pensa que "blau" es un parola innatural in
interlingua pro le diphtongo "au".

Ille mantene que le parlatores de linguas romance
detesta iste diphtongo e dunque iste parola deberea
esser in forma "blu".

- - - - - - - - - - - - - - - - - - - - - - - - -
Estimate hispano- e lusophonos! An vos realmente
detesta le diphtongo "au" e non ama le parola
"blau".
- - - - - - - - - - - - - - - - - - - - - - - - -

Le franco- e anglophonos detesta "au", ille
lo pronuncia como "oo" (Auckland = Ookländ). Blau es
in francese bleu e pronunciate como blöö.

Que es le fundo del "blau"?

"The American Heritage Dictionary of the English
Language":

Blue: < Old French < Common Romance BLAVUS

Forsan "blau" veni ex iste parola de "romance
commun" (proto-romance), ubi, forsan (e bastante
dubitosemente) V era U (como in latino) e le parola
era pronunciate como BLAU'US ...?

Salutante

Allan

P.S.
Blau es blau in germano e blå in svedese (pronunciate como
bloo). Sed in finnese nos ha un parola russe:
Sininen (sinií in russo).