On Wed, 24 Oct 2007 09:43:08 +0100, Antonielly Garcia Rodrigues
<[log in to unmask]> wrote:

>Hodie es le 100me aniversario de Ido.
>
>Le creation de Ido esseva un del eventos plus marcante del historia
>del movimento auxilinguistic [...]

Si, le creation de ido era unic e revolutionari e le prime passo al bon
direction, proque illo era le prime lingua planate que era construite non
per un sol homine, ma per un gruppo de plure personas (mesmo professionales,
linguistas). (Le secunde tal lingua era naturalmente nostre interlingua de
IALA). Il ha un proverbio hungare traducibile como "plus de oculos vide
plus", assi le lingua succedeva vermente assatis ben (melio, que esperanto,
que conservava su forma original, instabile create per le juvene Zamenhof,
lo que le plus vetule Zamenhof mesme voleva reformar, ma alora ja le
communitate de esperanto mesme non lo promitteva), totevia io non poteva
jammais apprender ido, malgrado que io sape tamben esperanto e interlingua
(inter le quales ido sta alicubi in le medie), solmente comprender lo. Ubi
io suppone un solution schematic, ibi appare un solution naturalistic e ubi
io suppone un characteristica naturalistic, illac appare un tracto
schematic. Mesmo pro me le grammatica de ido es troppo difficile in
comparation de lo de interlingua, forsan proque illo es troppo analytic,
troppo schematic con tracias agglutinante, hereditate de esperanto o proprie
creationes (non mesmo trovabile in esperanto), le quales non del toto son
naturalistic.

P. Kovács

--
Archivos e disabonar: http://listserv.icors.org/archives/INTERLNG.html