Un breve historia con le informatica.
Il me pare impossibile, ma anque io face parte del recente historia del
informatica.
Io initiava in le 1963 con le prime approche al perforation de schedulas.
Forsan actualmente on non recorda plus illo que significava le processo de
entrata del datos con initio ab le perforation e le successive controlo. In
un interprisa private on initiava con le sol processo de un
perforatrice-verificatrice e le processores era solmente presso rar centros
que era simile, quanto a rumor, a un officina mechanic.
In le 1970 io seligeva le prime processor pro le interprisa ubi io era le
responsabile del administration e illo se nominava Systema3 e era del IBM.
Perdurava le entrata con le perforation del schedulas, ma le elaboration era
assecurate in casa.
In le 1976 io era le prime homine professional qui in mi Treviso acquireva
un systema Olivetti dedicate al word processing con memorisation in floppy
de 8.5" si io non recorda mal le formato e con un display de un vintena de
characteres. IBM non habeva un machina equal al Olivetti in illo momento!
Il le 1978 io aquireva mi prime computer, un May Basic Four original USA,
que functionava con TOS, un version DOS per le Thoroughbred de Somerset (NJ
- USA), jam Concept Omega Corporation, e postea in T/BASIC, un Business
BASIC que permitteva applicationes 'Vertical Accounting', systemas multiple
Database Management, varie productos Office Automation e un Fourth
Generation Language (4GL). Obviemente con le applicationes de word
processing in mi studio nos passava al Thoroughbred Word Mail Spell perque
illo era un 'multi-processor system' con 'many users accessing the same
files'.
Alcun annos retro io debeva passar a Unix e computers IBM, e pro restar in
le ambiente Thoroughbred io debeva seliger Unix Interactive, producite per
un Kodak Company. Postea, de isto Unix a illo del SCO, ma intertanto io
aquireva anque uno del prime Macintosh SE con su systema original de word
processing. Isto non poteva esser usate in commun in le structura de mi
studio. Io usava anque FrameMaker.
Io recorda del mesme tempore le acquisition del prime modem con le expensa
correspondente a actual US$1,200.00! Velocitate 2,400!
E le prime fax per US$5,000.00 circa.
Al fin, e sol e relativemente recente, circa in le 1993, io arrivava anque
al productos Microsoft e a su Office professional.
Assi io pote dicer de haber passate e utilisate, anque personalmente, plus
systemas e in particular plus words processing, exactemente cinque, sin
mitter in le conto DOS e UNIX con lor systemas de texto.
Io non pote criticar necun producto que io usava o usa; cata uno pro su
tempore era un bon solution. Ora io usa solmente software Microsoft,
nonobstante io ha sempre le possibilitate de acceder a mi vetule machinas,
un ver parve museo private.
Io ha alcun paginas in internet, non recente, forsan del 1999, in le quales
io publicava mi prime probas de pronuncia de interlingua, anque con le
objectivo de comparar le varie formatos de files, lor empleo de memoria e
lor qualitate de rendimento sonor. Vide le pagina:
http://www.agora.it/M.Malaguti/suoni01.htm
Io ha essite principalmente un usator e, limitatemente io me interessava del
aspecto technic, con le exception de iste ultime annos, salvo a cessar
totalmente mi interesse, perque le programmation non face pro me.
Io prefere scriber, administrar le datos, idear un projecto software o un
pagina web, in comparation a programmar, o scriber un pagina web.
In general io reputa possibile facer un comparation intra le diverse
productos e io excluderea que il sia possibile affirmar que le uso de un
software, anque de disveloppamento, non sia limitative a qualcunque
emigration a alteres systemas.
Ora leger in iste lista recente comparationes intra le diverse systemas, o
declarationes de non satisfaction pro le productos Microsoft, me deveni un
cosa que me face un poco surrider.
Si io voleva resulatos, io debeva simplemente decider, anque in function a
illo que jam io possedeva, ubi io poteva trovar le solution, e con qual
potentia io era disponibile a mitter a disposition. Io non poteva jammais
poner me le objectivo de garantir le complete emigration del datos.
Totevia in leger vostre messages al lista io deduce le impression que vos es
in iste expectativa, illo del solution global.
Face exception qui scribe que pro ille le tal producto es le melior. Ille
probabilemente voleva scriber que, pro su experientia, le tal producto es de
su satisfaction. O assi ille ha vermente scribite. Io es certe, per exemplo,
que Paolo Castellina mantene sempre un base de su files que se prestara a
qualcunque emigration in le futur. Isto es le minimo.
Ille demonstra de recuperar vetule registrationes, non es illo ver?
Satisfacer totos? Isto es le recerca del insuccesso garantite!
Producer comocunque bon files audio con interlingua es, al contrario, un
excellente solution.
Cargar un computer de tanto software e constatar que le productos Microsoft
non satisface, o ha solutiones limitate, quando non anque banal, es
probabilemente un problema que se pone mal jam in partita.
Probabilemente il serea honeste considerar que nos ha un personal
disponibilitate a utilisar software con certe personal limitationes, natural
e human. Nos es habile con le ultime software que nos ha usate per le major
tempore e quando nos passa a un software que nos usa in minor maniera, o non
recentemente, nos senti alcun limitationes.
In plus nos usa 10%, forsan 20% del capacitate de un software.
Esser fatigate, utilisar le ultime software con un computer que non es del
ultime capacitate, premer le claves in haste, pote significar restar a terra
al momento minus attendite, ma forsan isto non depende per le software.
Le haste con le claves, o al mouse, con un computer que demontra su 'menses'
de vita e que es supercargate de applicationes in linea, non es un bon
solution.
Istos forsan es un correcte admission de nostre realitate.
Mario Malaguti, con plus de trenta annos, anque in informatica! Mal sorte!
-----------------------------------------------
>From: Chris Burd <[log in to unmask]>
>Subject: Re: Ulterior experimentos audio e questiones pragmatic
>Date: Mon, 29 Jan 2001 19:57:50 -0500
>
>On Mon, 29 Jan 2001 20:12:47 +0100, Paolo Castellina
><[log in to unmask]> wrote:
>
> >Alicuno pensa que Bill Gates essera tosto le nove dictator mundial (o
>mesmo
> >le Antichristo). Io non ama iste phantasias. Pro le momento, tamen, que
>pote io > > >dicer, io es grate que Microsoft offereva lor bon productos...
>
>Forsan illes vender un alternative linea de productos in Suissa? Io usa
>Microsoft Word constantemente in mi profession, e il es rar que io passa un
>jornata de travalio sin murmurar maledictos contra Word a causa de su
>myriade fallimentos e stupiditates de designo.
>
>Le explication es ben le sequente: mi projectos sovente me require face
>cosas alquanto complexe quanto a layout o interactivitate o alco... cosas
>que on face melio con un utensile apte - va nos dicer FrameMaker pro
>documentos longe e complexe. Ma mi clientes quasi sempre me demanda: "Esque
>on non pote facer lo in Word?" E io debe responder, "Si, in principio, ma
>es multo melior facer lo con un utensile plus avantia..." E illes dice
>quasi sempre, "Oh, nos non ama audir de utensiles complexe e estranie. Face
>lo in Word, per favor!" Assi, io lo face, e grunia.
>
>Le cosa vermente pessime es que le microsoftistas se ha effortiate a
>introducer omne tracto imaginabile in Word (como in omne lor productos), ma
>ha realisate los generalmente de un maniera mediocrissime.
>
>Gruniantemente,
>
>Chris
-----------------------------------------------
>From: Jay Bowks <[log in to unmask]>
>Subject: Re: Rompi balle!
>Date: Mon, 29 Jan 2001 19:52:10 -0500
>Car Mario,
>Io jam adressava un message al lista varie septimanas retro considerante
le avantages de files de audio. Io ha experimentate al travalio con le wma,
le mp3 e alteres e pro mi gusto, le mp3 es plus usabile.
On pote adjustar le grandor del files secun le compression. Un file que pote
haber 6Mb a un compression pote esser 2Mb in un melior compression ma con
perdita de qualitate. Illo se appella un "lossy" formato, il es un formato
que ha "perdita" o "loss" in anglese.
>Le ration que me face preferer le mp3 es alsi le sitos de Napster e
>Macster.
Tu videra si tu visita illac que le files ha le formato mp3 e non un formato
proprietari como le wma.
>Quando io mentionava isto del mp3's jam alcun tempore retro tu diceva que
>tu comprendeva nulle cosa in re illo.
E assi tu comiserava con Angelo.
E Angelo, es que ille non ha necun idea re illo?
>In toto io commenda le effortio de Paolo e io pensa que illo es ben
>intentionate. Ma io prefere altere formatos. In isto io non essaya insultar
>necun sensitivitates, nec rumper necun ballas ;-)
>
>Boga-boga*,
>Jay B.
>
>
>*in euskera
-----------------------------------------------
>From: Kjell Rehnstrom <[log in to unmask]>
>Subject: Re: Ulterior experimentos audio e questiones pragmatic
>Date: Tue, 30 Jan 2001 08:52:56 +0100
>
>Chris Burd wrote:
>
> > Le cosa vermente pessime es que le microsoftistas se ha effortiate a
> > introducer omne tracto imaginabile in Word (como in omne lor productos),
>ma
> > ha realisate los generalmente de un maniera mediocrissime.
>
>Le mesme cosa como quando omnes voleva haber _WordPerfect_ que costava un
> >massa de moneta. "Nos solo accepta cosas in WP!" Al minus a illo on
>poteva
>facilemente adaptar partes que "permitteva", "liceva" scriber in altere
>linguas
>que le svedese.
>
>Nunc toto es in Word, que ego ha anque usate un poco. Il ha un "word for
>Mac"
>que me faceva folle. Pro mi proprie mac ego comprava un altere programma
>que
>functiona a mi satisfaction. Illo es ClarisWorks. Ma le mal cosa de omne
>le
>moderne programmas es que on anticipa un massa de cosas.
>
>Un mi amico qui usa Word me diceva que subito que ille scribe un dato, ille
>ha
>un demanda in un quadro: "Esque tu vole scriber un epistola?" (Sic!)
>
>Le optime programmas es illos que permitte un gradual accostumation a
>illos.
>
>Cellus
>Homo grumiens
-----------------------------------------------
>From: Martijn Dekker <[log in to unmask]>
>Subject: Re: intercambios aperte
>Date: Tue, 30 Jan 2001 12:13:21 +0100
>
>Le 28 Jan 2001 22:38:36 -0500, Jay Bowks ha scripte:
>>Le technologia usate per Microsoft es solmente
>>usabile per MS Windows.
>
>De facto Microsoft ha facite un jocator de Windows Media pro
>Macintosh. Illo es in stadio beta, ma functiona. Discargabile de:
>http://www.microsoft.com/windows/windowsmedia/en/download/mac7.asp
>
>>Le MP3 e le RealAudio es formatos aperte e assi interusabile.
>
>Con respecto, ma Real(Audio) _non_ es un formato aperte. Le
>"apertate" de un formato o programma significa que le specificationes e/o
>codice de fonte es public, e que omnes pote facer programmas >que usa lo e
>(in caso de programmas) facer adaptationes e additiones. Le
>specificationes de Real es secrete. Si mi comprension non es
>incorrecte, mesmo MP3 es protecte per patentes, ben que su
>specificationes es public.
>
>- Martijn
-----------------------------------------------
>From: STAN MULAIK <[log in to unmask]>
>Subject: Re: INTERLNG Digest - 28 Jan 2001 to 29 Jan 2001 (#2001-30)
>Date: Wed, 31 Jan 2001 01:05:30 -0500
>
>Ben que io como usator de Macintosh va usar Microsoft Word -
>le jornales cresce in requirer lo in le submission de manuscriptos,
>io ancora ama mi WriteNow 4.0 que io comprava 6 annos retro. Illo
>continua a functionar in cata succedente version del computator
>Macintosh, benque le programma mesme non es ancora revisionate.
>De fact, io non crede que il ha un compania que produce WriteNow,
>ben que illo esseva le processator de texto basic in le computator
>Next de Steve Jobs ante que ille retornava a Apple. Io es
>de accordo con Chris que Word es un hypercomplexe programma, que
>equalmente es plen de mediocritates.
>
>Stan
-----------------------------------------------
_________________________________________________________________________
Get Your Private, Free E-mail from MSN Hotmail at http://www.hotmail.com.
|
