Salute Omnes!

Ancora ego non comprende isto plenmente, ma me sembla que le AOL me non
"permitte" - como on dice in computatoriano - salvar mi posta partiente. Me
sembla que ego unquam scribeva alque in re le alces. Si isto es le facto,
vole ben ignorar isto. Si non, vole ben leger plus!

In le 18-e seculo il era popular domesticar varie animales incommun. Assi le
rege polonese Casimiro le Grande (si ego me non equivoca) prendeva camelos a
Polonia e in le 17-e seculo le rege svedese Carolo XI (dece-un) tentava
domesticar alces pro uso a su curreros.

In le Union Sovietic on faceva experimentos de domestication de alces pro
usar su lacte de illos e usar los como animales tractive.

Ego ha legite que in Svedia le experimentos non habeva un longe duration.
Quando le homine domesticava le tauro e vacca il durava multe seculos e on
succedeva eliminar le animales con le genes de troppo de aggression. Isto
apparentemente non occurreva con le alces, e on non poteva - como ego ha
legite - controllar lor temperamento.

A mi aviso il non es plenmente permettite facer tentationes de domesticar
alces in nostre dies. On lege de tempore in tempore de personas qui ha
semblantemente domesticate alces a casa, sed principalmente le lege non
permitte isto.

Le chassa a alces es un grande cosa in Svedia. Il ha partes de iste pais ubi
TOTO se arresta durante le tempore de chassa (venation) de alces.

Alcemente

Kjell R.

PS a Kjell Tore: Logicamente on deberea haber tanto de venation (chassa) a
alces in Norvegia como ci in Svedia, sed ego nunquam ha audite de isto. Esque
isto es specialmente in Finmark, o que?