Heri le Radio Svedia transmittava in su magasin
que se diffunde 16.03 - 17.45 un pecia re
interlingua. Il habeva un curte intervista con
Jesper Ohlsson e un rationamento del possibilitate
pro Europee Union usar interlingua como su sol
lingua. In le pecia il habeva etiam un curte
mention del stato del germano in le union, e nos
apprendeva que le "Union munidal es le
organisation international, que le societate
svedese ha 100 membros in Svedia e multe alteres
in le resto del mundo (!)" ma toto altere era in
ordine. Jesper - ego suppone - legeva un curte
passage in interlingua (multo ben). Le interessate
ascoltator va saper como sona interlingua e pote
facer se un pictura del lingua.

Precedente le intervista re interlingua era un
pecia de programma in re fantomos e spiritos!
Hodie on va tractar esperanto. Il essera
interessante como isto va aspectar.

Le programma "Le lingua" que ego ha describite in
iste lista, va tractar le latino como lingua unic
pro le Europee Union. Lo presenta Birger Bergh
('biryer bery (y es consonantic como in yes, _non_
como in _fysica_) professor del lingua latin al
Universitate Lund. Ille es un multo habile
presentator. Il va esser interessante ascoltar le.

Ingvar Stenström va presentar interlingua e in le
futuro le audientes anque va ascoltar
explicationes de como functiona esperanto.

Toto certo in relation al Anno Lingual que le
Europee Union ha proclamate.

Cellus