Mario Malaguti wrote:
>
> Car Amicas e Amicos,
>
> linguaiolo (espaniol: gramatiqueador) in italiano es un substantivo que
> indica, con un pauc de impietate, ille qui se occupa de themas grammatical
> e linguistic con excessive pedanteria.
> Pro render lo in interlingua io parti ab lingua e con -ario io obtenerea
> linguario, ma con -astro io obtenerea linguastro, como poetastro o
> judicastro, e io considera que linguastro rende con bon adherentia le
> italiano linguaiolo.
>
> Ora io ha le termino e io deberea usar lo.
> Qui pote esser un linguastro?
> Uhmm?
>
> Uno qui face uso de un substantivo anglese, espaniol, francese e italiano,
> io non sape si anque portugese, german, o russo, pro emplear lo como le
> pronomine personal de prime persona singular, e pro isto se face un merito.
> Uno que usa le expression alter ego que es expression nominal in le quatro
> linguas supra pro justificar su decision re le substitution de io con ego.
>
Debe esser IO! usante _ego_. Ego es forsan un linguastro. Sed a mi defensa ego
pote solmente dicer que ego ha _solmente_ usate parolas que sta in le IED como
etiam [ma] e [anque].

> Uno qui proclama le uso de lingua interlingual pro lingua international e
> que invoca un official academia lingual.
>
> Illes ama le extremisationes! Le complicar le vita.
>
> Uno que ama desperatemente aquello.
>
Isto non es ego!

> Io, certemente io, qui es un perdita de tempore, con iste themas.
>
> Inter un mense retornara le primavera!
>
Ego credeva que vos jam ha le primavera in tu partes, Mario. Ci il faceva - 9
grados le nocte passate e le temperatura maximal durante le dia era + 0,1
grado! Gratias al forte sol ;-)

Si ego veniva a tu latitudes ego certo parlarea enthusiasticamente del estate!

(E nonobstante le climatologos dice que nos ha un surplus de calor de + 7
grados! Gratias al Corrente Golf, isto es.)

Amical- e linguastricamente

(Intuitivemente, sin supporto in nulle lingua de fonte ego parlarea de un
_linguon_. Qual idea evelia iste parola?)