Carissime amico Martijn,

Ante toto, io debe peter tu venia pro stropiar tu nomine. Io non es un bon 
dactylographo.
Multe gratias pro tu responsa.  Io va proponer que nos accepta le convention 
que, on occasiones nos non va esser de accordo. Tu pote mantener tu 
libertate de exprimer te como tu crede e io va mantener mi libertate de 
opinion. Isto non significa que nos non pote esser amicos e laborar pro le 
mesme scopos: revitalisar interlingua, con le additiones facite necessari per le 
passar del tempore. Piet lo fa magistralmente, ma ille non es le sol authorisate 
de facer lo. Si tu vole facer lo, tu anque pote, io lo pote e certemente Stanley 
lo pote. Le ideas melior vincera e divenira commun e le ideas pejor disparera.   
Isto es le spirito que Gode passava a nos, sin ideologias e dogmatismos, 
quando ille interdiceva le creation de un academia. Pro quotar su parolas, in le 
introduction al IED del sito de UMI :" Al usator es admittite facer su election".
Crede me quando io dice que io non me retenera quando io non essera 
permittite de facer mi election.  

Salutes amical
Bruno

On Thu, 14 Aug 2008 03:28:37 +0200, Martijn Dekker <[log in to unmask]> 
wrote:

>At 16:29 -0400 13-08-2008, bruno Zani wrote:
>[...]
>>Mis+concept+ion
>>
>>An que illo es bastante clar?
>
>Si, si, gratias, io non es de facto un idiota, e io non criticarea
>normalmente un tal parola de iste maniera. Ma le facto es que Stanley
>Mulaik, con su "aqui" e altere reformismos e rationalisationes, se
>pone sempre como le grande autoritate final de interlingua con un
>ligamine directe a Gode. E multos le crede. Pro iste motivo, io pensa
>que su linguage debe esser judicate secundo un standard plus alte.
>Ille non ha arrivate a iste usage per medio de un formation libere;
>isto esseva simplemente un del anglicismos que pullula in su
>linguage. On debe considerar isto in combination con su errores
>grammatical, tanto fundamental que le novicios al conferentias de
>interlingua sape evitar los post tres dies de curso pro comenciantes.
>
>Un tal manco de conscientiositate linguistic, veniente de un persona
>autoritative con pretensiones de poter cambiar per decreto le skeleto
>fundamental de nostre lingua, ha le mal odor del hypocrisia e es
>ENORMEMENTE IRRITANTE - tanto plus proque ille de facto sembla
>refusar de facer parte del communitate qui parla interlingua
>realmente, in voce, in contactos regular e a conferentias cata anno.
>Nos non vide jammais Mulaik (o su discipulos) a un conferentia, ma
>isto non le impedi de voler prescriber nos nostre linguage!
>
>Viste que le interessatos discoperi interlingua principalmente per
>internet, io pensa que ille e su banda de reformistas causa damnos
>innumerabile a nostre communitate linguistic, e pro isto, io
>simplemente refusa de retener me plus.
>
>- Martijn
>
>--
>Archivos e disabonar: http://listserv.icors.org/archives/INTERLNG.html

--
Archivos e disabonar: http://listserv.icors.org/archives/INTERLNG.html