A dominica, le 15 de maio 2005 08:19:29 +0200, Kjell Rehnstrom
<[log in to unmask]> ha scribite:

>Lo que on appella musica
>popular ci in Svedia sembla sovente esser musica de un traditin popular
>ma in alcun casos illo ha essite notate. On dice que iste o ille melodia
>es "secundo" le musicanto X, ma isto sembla significar que le musico non
>ipse ha "componite" lo ma solo transprendite lo de un altere portator de
>tradition.

Si, io sape, que in le West (de Europa) le portar del tradition habeva un
poco altere vias, que p. ex. in Hungaria. Pro exemplo in Austria e Germania
(etc.) il ha bandas de laton (? - de instrumentos de laton), le quales sona
"musica folkloristic german/austriac" de notitias musical. Ma independente
de illo, que iste musicas esseva notate pro sonar los illos es musicas
folkloristic (proque in le West le cultura, le costumes, etc. assi anque le
musica burgese e paisan es le mesme, il ha nulle differentia, o al minus non
tanto, que inter le musica burgese e paisan del hungaros).

>In le medio del 19-e seculo on colligeva melodias folkloric svedese e
>los publicava in notas pro pianoforte, e on los sonava in le familias
>burgese.

Un simile initiativa nos anque habeva in le 19e seculo, per Ferenc Liszt, ma
ille - non habente vivite in Hungaria in ille milieu - non cognosceva le
original folklore del paisanos e credeva, que le musica sonate per musicos
cultivate tsigan es le folklore original del hungaros (dum illo esseva le
musica burgese del hungaros). Assi ille tractava melodias hungare burgese,
ma non folkloristic (paisan) habente credite, que isto es le "pur folklore
hungare" (e anque a causa de su obras, de plus illos de Johannes Brahms -
"Ungarische Tänze" - tote le mundo ha un false imagine super le folklore
hungare original paisan. Isto es tradition burgese, ma non paisan, non
folkloristic in le senso del musicologia folkloristic hungare).

Peter Kovacs

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================