>Stanley Mulaik wrote:
>
>>Quanto a "hic" e "ci" io crede que le majoritate de personas
>>non sape le rationes proque istos existe in le IED.  Ni le un
>>ni le altere es un prototypo.

Kjell diceva:
>Un amusante cosa es que io ha vidite "hic et nunc" in un normal
>libro svedese! Il esserea interessante si on examinava un
>corpore de texto in le linguas de fonte si on non trovarea "hic
>et nunc" in le litteratura.
>

Io ha trovate 'hic et nunc' solmente in le francese e le italiano.  Si illo
occurre in le altere linguas contribuente, illo es un phrase latin
in iste linguas.  Anglese solmente ha 'hic jacet'.  Su uso es specializate
a petras de tumbas de certe personas.  Illo es equalmente un phrase latin.
'hic' non es usate solo in le senso de 'aqui' in anglese.  In anglese 'hic'
es le sono de un 'hiccup' = singulto, e pro indicar  un caricatura de
un inebriato, on scribe 'hic' al latere de su capite.

> In iste caso on debe dicer que le
>parola existe in le linguas!

Isto es un extension extreme.

>Como pro exemplo "qua" io ha mesmo
>vidite in textos anglese (tamen non in svedese textos).

'qua' usate in le senso de 'in le capacitate, position o character
de', adverbio, es international.  Iste parola non es in question aqui.
"Sr. Berscaloni qua presidente del nation..."  Illo es trovate in
anglese, germano e italiano.

>
>Quanto a "ci" io ha date mi impressionistic rationes pro
>supportar su presentia in le lingua.

Es isto un ration legitime de eligibilitate in interlingua?

Stan Mulaik