[ Ignacio ]
...le systema del Statos Unite, io era multo surprendite, ma non a causa
del presidencialismo (que sembla esser un estranie forma de monarchia
elective),
...
Io non sape si Clinton ha un problema con le sexo. Ma il es ver que ille ha
un terribile problema con le personas que pensa que le sexo es immunde. Io
lo diceva in un altere texto: le integristas sape que illes non pote dicer
nunc "le sexo es immunde!". A causa de illo illes dice: "nostre presidente
dice mendacios". Ha, ha, ha!

[ Pfaff ]
Voler reducer le problemas actual del presidente american a un neurosis
puritanic del publico american es assatis risibile, in mi opinion.  Le
defenditores de Clinton essaya semper facer iste argumento.

Si le autores del constitution american ha, in lor construction del
presidentia, create "un estranie forma de monarchia elective", illes ha
etiam essayate construer un systema pro evitar que iste "monarcho eligite"
devenirea un monarcho tyrannic.  Le colonistas american habeva essite
nascite como citatanos anglese -- bon subjectos del rege britannic.  Le
historia de Grande Britannia e de altere paises demonstrava al patres
fundatori que reges forte, intelligent, sage, e de bon character ha servite
lor populos multo ben.  Infortunamente, iste sorta de bon monarchos pareva
esser un minoritate.  Filios o grandfilios de bon reges ha sovente le
tendentia a esser homines debile, stupide, e de mal character. Un homine
sage ha scribite, "Le poter corrumpe, e le poter absolute corrumpe
absolutamente."

Ergo, le systema presidential -- monarchia elective, si on vole -- habeva
duo aspectos: 1) SELECTIONAR leaders forte, intelligent, sage, e de bon
character;  2) ELIMINAR leaders debile, stupide, de mal character, e
corrupt.  Le prime aspecto -- SELECTION -- ha functionate assatis ben, e
usque al puncto ubi il esseva rarissime necessari usar le secunde aspecto
-- ELIMINATION.  Nostre pais se trova nunc -- sin multe practica -- in iste
processo dolorose de elimination.

Un grande -- e crescente -- parte del population vide in Clinton un caso de
corruption.  Le sexo es solmente un indication superficial.  Le ver
problema, in mi opinion, es un profunde tendentia in le administration
Clinton verso abuso de poter.  In le ultime annos le movimento feminin ha
succedite establir leges pro protection de feminas contra molestation per
homines in positones de poter super illas.  Le nation ha vidite multe casos
ubi chefes e executivos de negotios, generales e altere officieros
militari, clericos, professores ha abusate lor positiones supervisori super
feminas pro molestar les.  E le abusatores ha rapidemente essite removite
ex lor positiones.  Le presidente es le altissime officiero executive del
governamento -- isto vole dicer que su PRIME responsabilitate es executar
le LEGE!  Ma, que passa?  Le altissime officiero ipse es accusate de
molestation contra Paula Jones durante su tempore como governator de
Arkansas.  Durante le processo de Jones, Clinton involve se in iste
stupiditate colossal con Lewinsky.  Avante un judice le altissime officiero
del lege jura a dicer le veritate  -- e alora menti.  Le altissime
officiero del lege reguarda in le cameras del television national, agita le
digito emphaticamente -- e menti a in le facies de su populo.  Durante
septe menses ille menti a su amicos, al functionarios del Casa Blanca, al
leaders de su partito, a su ministros del executivo. Sub le pression de
proteger Clinton le functiones publicitari del Casa Blanca deveni de plus
in plus un operation propagandistic Goebbelesc. Su "goebbelistas" practica
assassinato-character contra Jones, Willey, Judice Starr, e altere
criticos.  Al fin ille va de nove ante le cameras e dice, "Io non ha dicite
le veritate."  Su advocatos reclama que forsan le povre Lewinsky ha facite
sexo con ille, sed ille non ha facite sexo con illa!!!!

[ Ignacio ]
 Ha, ha, ha!

[ Pfaff ]
Io pone le question, "Esque iste presidente es un leader forte,
intelligent, sage, e de bon character?  O esque ille es plus tosto un
abusator debile, stupide, corrupt, e de mal character?"

Con exasperation e sperante a un rapide elimination constitutional de iste
povre homine ex le officio del presidente,
-- frank