Stan traduceva:
>>UE INROLA TRUPPAS A SALVAR LE AMBIENTE
>>
>>Un nove rolo pro le armeas europee - combattar problemas del ambiente -
>>es contemplate per socialdemocrato svedese Maj Britt Theorin in un
>>reporto a debattar al session Brussels mercuridi le 27 de januario.
>>
>>Sra Theorin dice que le fin del Guerra Frigide ha 'mutate profundemente
>>le situation militar' con nove menacias al securitate in problemas
>>del ambiente, conflictos ethnic, le terrorismo, e le crimine international.
>>
>>Illa propone redisplicamento de truppas, includente le instruction de
>>soldatos de ambiente pro establir un commun Brigada pro le Protection del
>>Ambiente Europee.

Senora Maj-Britt Theorin es un avantiate, illustre, politico in Svedia.
Illa era in favor de disarmamento e ha laborate in favor de disarmamento
etiam in scala international. Illa ha jam essite in favor del disarmamento
del defensa national de Svedia, e - pote on dicer - facite un virtute de
necessitate, viste que le stato (pro americanos _le governo_) non ha plus
de moneta pro supportar le defensa que nos habeva durante le bello frigide.

On crederea que io, ben que un amico del pace e un mispreciante del guerra
esserea in linea con seniora Theorin. Nihil pote esser plus erroneose! Io
es in favor de tote le possibile accordos que paises pote facer de
non-aggression e le conviver pacificamente, sed nos pote apprender del
historia - e etiam le historia multo recente - que accordos, tractatos,
pactos (selige le parola favorite) non vale le papiro sur le qual illos es
scribite si le voluntate a tener le accordos non existe. Pro isto le paises
debe esser capabile defender se. E on debe dispvelopar omne le aspectos de
collaboration pacific e recercar le possibile conflictos _prius quam illos
errumpe_. Sed io pensa que le militares debe esser militares e non un
specie de policia ecologic.

In un senso io ha un - forsan - paradoxal confidentia in militares
professional: illes in general sape que illes face, io ha un imagine de que
multe bellos occurre pro que politicos vole celar su misadministration e
crede que un bello pote esser ganiate.

Io volerea que le Europarlamento supportarea - si isto es in su gestion (su
competentia) - le bon inseniamento del historia Europee de-nationalisate.
Sed isto es un altere message.





[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden