Jay Bowks wrote:
>
> Que pensa vos? Le libro del senior Gopsill "International
> Languages" es phenomenal in iste respecto, definitivemente
> un libro pro recommendar a omne interessatos, io opina.
>
> E vos? Que opina? Ha alcunos altere que alsi ama iste libro?
> Per favor dice me si illo le interessava alsi a vos.

Io ha comprate iste libro quando io visitava sr Goudkill in Hollanda.
Io ha comenciate leger lo, ma io non ha ancora finite. Le libro es
assatis divertente, me non me place que Gopsill attaca Esperanto assi
vehementemente. Io crede que quasi omne argumento contra Esperanto
pote esser usate anque contra Interlingua. Un grande parte del libro
es le analyse detaliate de Esperanto, e io personalmente non trova
iste theam multo interessante. De plus. le analyse non es impartial.

Le parte del libro que me especialmente placeva es le historia de
Interlingua, e le discussion de varie variantes schematic e natural
que IALA considerava. Non omne propositiones initial de Gode era
adoptate, ma mi conclusion private post leger le capitulo es que
quasi omne decisiones final era correcte. Le producto del labores de
25 annos es un lingua belle e flexible.

Greg