Il non es le cholesterol que es mi primari preoccupation, mais le grassia.
Tres annos passato io habeva 88.2 kg. Mi medico indicava que mi tolerantia
del sucre esseva al limine superior del normal. Io debe reducer mi peso.
Assi io legeva plure libros popular, le thema de que es que il non es
relevante a contar le calorias mais le grammas del grassia.  Un homine
active debe ingestar non plus que 30-60 gm. de grassia cata die. Un
femina solmente 30 gm. Il es multo facile a contar le grammas de grassia
in productos, proque le leges federal require le description del quantitates
de grassia e altere cosas in le alimentos vendite in pacchettos.  A ille
tempore mi sposa anque esseva de peso excessive. Assi nos commenciava un
programma de reducer le peso. Le libros de dietetic provideva repastos de
basse calorias e grassia. Illos provideva le fructo, le cereals, alcun
lacte, alcun parve montas del carne de grassia minor, e multo promenada.
Nos promenava 20 minutas cata die pro un mense e un medie, e mi peso
reduceva de 88.2 kg a 78.75 kg.  Io manteneva isto per mangiar cata matino
un cereal con circa solmente 1 gr. de grassia (con lacte), succo de orange,
banana; lunch: un pectore de pullo sin pelle grilliate, super un panetto,
cocacola o un salata con lactuca e tomates con pectore de pullo sin pelle
grilliate, con un condimento de salata que es libere del grassia, cocacola;
pro dinar: un repasto de furno a microundas de pullo sin pelle, vegetabiles,
(solmente 6 - 7 gr. del grassia); a nocte a 9 horas io mangia un beygl
(Yiddish: un circulo de pan con un superfacie "vitrose" = anglese "bagel")
("bagels" es hodie multo popular in le Statos Unite).  Inter le repastos io
mangia le "applenewtons" (tartas de pan con un centro de confectura de
pomo) quandocunque io ha fame. Le objecto de mangiar inter le repastos es
a mantener le metabolismo a un alte nivelo pro arder le calorias e le
grassia. Io non lassa me sentir le fame. Io anque debe promenar inter le
edificios pro vader a mi classes, a al casa io e mi sposa promenar in le
vicinitate de nostre casa.  Quando nos moveva a nostre nove casa, io
faceva tanto obra per promenar e portar cosas, que io perdeva 3 kg.
Assi le exercitio e evitar le grassia es mi secreto.

Stan