Scribeva Stanley Mulaik, inter alteros

> Io es certe que con technicas moderne que tu va recuperar tosto.

Anque io e io regratia.

Totevia qui sape? Obviemente io vole rider me de un nove situation que
reguarda solemente le technicas moderne.

Le technicas, plus illos es moderne e minus illos accepta le "non assi
moderne" e, a iste reguardo, io ha jam mi annos.

Le facto: Iste matino como durante iste ultime dies, io ha vermente mi
capite que se refusa de esser active.
Io tende a pensar a nihil!
Io sape isto. Il me es usual. Quando le problema reguarda me solmente, plus
illo es grave e minus io da a illo importantia. Il debe esser un mi
inclination personal pro superar le momento.
In iste situation io cerca de poner ordine a mi cosas. Il pare que io ha
iste necessitate, como lassar le cosas in ordine.

Janne Armann! le Societate Svedese de Interlingua!

Oh, mi Deo! Il me prendeva le affliction de haber lassate passar troppo
tempore sin facer mi deber correctemente. Qual situation le mie!

Alora io cercava de provider tosto e io scribeva a Janne.
Obviemente Janne me respondeva immediatemente, re isto io non habeva
dubitas!

Ma a iste puncto arriva le techicas moderne. Janne ha adoptate le Matador
E-Mail Verification.
Ben! Un belle solution, io pensa.
Le programma me invita a adoptar le mesme solution e io provide tosto.

Eh! Ecce le puncto! Le Matador releva que io ha un vetule computator con
Microsoft W 98 e illo me informa: Mario tu non ha le 2000! Vide a . . . . .
.  e io me perde!

Assi il pare que io ha recipite 4 messages per Janne e io non es capace de
leger los! Il me manca le technicas moderne o, qui sape? il me manca le bon
voluntate de iste matino pro comprender melio como facer.

Per un altere message io es informate que Janne ha acceptate mi remissa.
Ben! Quando io retornara totalmente nove, al prime del proxime decembre, io
comprendara melio o iste vice io me debera decider e io comprara un
computador nove. Assi nos sera in duo: nove le computador e nove io.

Le computador securmente, o quasi perque illes qui lo vende tendera de
liberar se de illo que illes ha in scorta (stock). Reguardo a Mario . . . il
se tracta de attender e vider.

Duo horas plus tarde io recipe un message per Janne. Toto es ben. Ille
responde reguardo a mi thema. Assi io es tranquille, toto se ha resolvite in
le modo correcte. Es io o mi computador que nos non ha comprendite como
manear le Matador. Isto comocunque non es assi importante e io comprendera
melio le proxime vice.

Iste technicas moderne!

A proximemente,

Mario